Heu kawˆ aˬ jeˬ miˇ neh aˇ yehˇ huiˬ˗eu nga? Bawˬ dzaˬ gaˇ iˇ˗eu heu naˇ aˬ myah luꞈ ‘Yeˬhawˇbaˬ˗ahˇ caˇ dawˬ’ caˇ˗awˇ, “ja ceuˬ”˗eu aˬ kawˬ˗aˬ za˗eu jeˬ pyeu˗eu meh. (Ceuˬ 149:1) Kʼoeˇ naˇ, Miˬyehˇ nui ma tsaˬ˗eu jeˬ mˇ nya ni paˇ caw ba nehˬ˗eu meh. (Ceuˬ 143:10) Jaˇliꞈ˗ahˇ nui ma ahˇ˗eu deuˬ hawˇ˗eu Jaˇliꞈ dzaw zaˬ deuˬ myaˬ tiˬ paˆ bawˬ dzaˬ gaˇ za oe naˇ, aˬ yawꞈ maꞈ˗eu jah jeˬ muiˬ daˆ laˇ˗eu yaw kawˇ meh.

Jahˇ paˬ˗ehˇ gʼeh˗eu jeˬ:

• Jaˇliꞈ dzaw˗eu aˇ dahˬ beh gaˇ maˬ dawˬ ni, kʼaˬ gʼeh nya˗eu loꞈ˗ehˇ kawˇ ma˗ehˇ kuˇ˗awˬ.—Pah 22:17

• Nui ma ahˇ˗eu deuˬ˗ahˇ heu jaw laꞈ kʼoeˇ aˬ jeˬ jeˇ gaˇ kawˆ ya dzaw˗eu lehˇ ehˇ nehˬ˗awˇ, aˬ yawꞈ˗euˬ gʼaˇ duˬ aˬ jeˬ gaˇ dahˇ tsoeˬ˗eu nga lehˇ ja sawˇ nehˬ˗awˬ. Keu ka heu deuˬ neh kʼawꞈ zmˬ˗awˇ ku nya meh. Aˇ muˇ bawˬ dzaˬ gaˇ kuˇ gaˬ˗eu sahˬ boꞈ aˇ taꞈ ma ehˇ, Miˬyehˇ Miˇkʼahˬ Bawˬdzaˬnymˇ˗ahˇ nga maˬ aˬ jeˬ jeˇ jahˇ˗eu nga? lehˇ kuˇ˗eu biˬ diˬ oˬ hawˇ˗eu Yeˬhawˇbaˬ˗euˬ nui ma tsaˬ ni mˇ˗eu paˇ dmˬ gaˇ kawˆ 5 hawˇ˗eu 7, heu deuˬ pyeuꞈ meh.

• Caw ba nehˬ˗eu. Nui ma ahˇ˗eu deuˬ˗ahˇ sheuˬ laˬ i pa nga laˬ, moeˬ tsoˬ dmˬ˗eu paw caw ba pa nga laˬ? lehˇ haw˗awˬ. Bawˬ dzaˬ gaˇ aˬ yawꞈ nawˬ nehˬ˗ehˇ bi nuiˇ˗awˇ, sahˬ boꞈ paˇ dmˬ tiˬ kawˆ loꞈ˗ehˇ haw˗awˬ. Kʼoeˇ naˇ, mehˇ nmˇ deuˬ nehˬ˗ehˇ bi siˬ nya˗eu gʼaˇ duˬ, sheuˇ˗awˇ neh ngehˬ cawˬ iˇ.