25:1-12

Yeˬsuˇ neh ja-euˬ aˬ buˇ zaˬ guˬ tseˇ g’aˬ-euˬ gaˇ kawˆ, tseˇ doꞈ taˬ-euˬ Ka li zaˬ deuˬ-ahˇ ehˇ keuˆ mawꞈ-eu k’awꞈ, gaˇ kawˆ heu Ka li zaˬ yawˬ g’aˬ na luꞈ-ahˇ taꞈ-eu meh. (w15-E 3/15 12-16) Teu miˇ neh “tsawˇhaˬ-euˬ Zaˬmaˇ zaꞈ ka le-eu aˇ nah aˇ yamˬ naw maꞈ maˬ siˬ duˬ nya-eu miˇ neh, yaw beuˇ beuˇ-ehˇ dehꞈ-awˬ” lehˇ ehˇ dawˬ-ahˇ aˬ dui ya mˇ cawˬ-eu meh. (Tehˬ 25:13) Nawˇ Yeˬsuˇ neh ja-euˬ yaw jeˬ ma jeˬ-ahˇ dzawˇ nehˬ nya ma loˇ?

• Miˬ zaˬ sheuˬ-eu g’aˬ (Aˇ deuˆ 1)—Yeˬsuˇ meh

• Lehˬ hmˬ dah taˬ-euˬ noeˬ dahˇ doe-eu aˬ buˇ zaˬ guˬ (Aˇ deuˆ 2)—Saˇ jaˇ ziꞈ-eu laꞈ k’oeˇ lehˬ hmˬ deuˇ-awˇ gaˇ mˇ luꞈ-eu tseˇ doꞈ taˬ-euˬ Ka li zaˬ deuˬ pyeuꞈ-eu meh. Aˬ yawꞈ maꞈ aˇ saˬ saˬ ngeh keuˆ ni aˬ guiˇ loꞈ-ehˇ yaw shehꞈ bya-eu meh (Piˆ 2:15)

• “Miˬ zaˬ sheuˬ le-eu g’aˬ oe keuˆ-euˬ meh” lehˇ guˇ-eu teˇ saˇ (Aˇ deuˆ 6)—Yeˬsuˇ yaꞈ le-euˬ lehˇ bi siˬ-eu jeˬ

• Laiꞈ-eu aˬ buˇ zaˬ guˬ deuˬ (Aˇ deuˆ 8)—Miˬ zaˬ sheu le g’aˬ-ahˇ ha iˇ-euˬ tseˇ doꞈ taˬ-euˬ Ka li zaˬ deuˬ pyeuꞈ meh. Ehˇ k’awꞈ, aˬ yawꞈ maꞈ yaw beuˇ beuˇ-ehˇ maˬ jawˇ-eu uˬ taꞈ, saˇ jaˇ jiˇ maˬ ziꞈ-aˬ

• Noeˬ dahˇ doe-eu aˬ buˇ zaˬ guˬ tsiˇ maˬ biˇ paˆ nehˬ-eu (Aˇ deuˆ 9)—Jmˬ diˬ-eu aˇ saˬ saˬ-euˬ taꞈ naˇ, saˇ jaˇ ziꞈ-eu tseˇ doꞈ taˬ-euˬ Ka li zaˬ deuˬ, saˇ jaˇ maˬ ziꞈ-eu tseˇ doꞈ taˬ-euˬ Ka li zaˬ deuˬ-ahˇ caw ba-eu jeˬ nah gaˬ iˇ

• “Miˬ zaˬ sheuˬ le-eu g’aˬ oe keuˆ” (Aˇ deuˆ 10)—Huiˬ dui dui-eu shaˬ zahˬ jiˇ leˇ ngeh, Yeˬsuˇ yaˇ k’aˬ daˇ-eu gaˇ kawˆ tsaꞈ gaˬ le

• Lehˬ hmˬ dah taˬ-euˬ aˬ buˇ zaˬ guˬ, miˬ zaˬ sheuˬ le-eu g’aˬ nehˬ-ehˇ oeˇ mˇ baˇ gaˇ uˇ leˇ g’aˬ ngeh laˇ g’oˆ piˬ tehˬ (Aˇ deuˆ 10)—Yeˬsuˇ, saˇ jaˇ ziꞈ-eu tseˇ doˆ taˬ-euˬ Ka li zaˬ deuˬ-ahˇ laˆ ui-awˇ, mˬ k’oeˇ taˆ bi le-eu k’awꞈ, saˇ jaˇ maˬ ziꞈ-eu tseˇ doˆ taˬ-euˬ deuˬ-ahˇ maˬ bi le-a