Nui ma ahˇ laˇ paˬ˗ehˇ gʼeh˗eu gaˇ kawˆ deuˬ

Jawˇ nah dzeuˇ ngaˬ nah: Nawˇ laˬ kʼaˬ cehˇ˗eu guiˬ lahˬ dawˬ sahˬ boꞈ paˇ dmˬ laꞈ kʼoeˇ ahˇ˗eu Yeˬsuˇ˗euˬ gaˇ kawˆ heu yaw muiˬ˗ehˇ boꞈ tsaˬ boꞈ ahˇ taˬ˗euˬ saˇ kiˇ deuˬ˗ahˇ ya mawˇ˗eu meh. Gaˇ kawˆ teu nymˬ˗mˇ iˬ nah aˬ dui˗ahˇ aˬ joˆ˗ehˇ gaˇ dahˇ tsoeˬ˗eu lehˇ jiˇ ya siˬ meh.

Jawˇ nah dzeuˇ koꞈ nah: Yeˬsuˇ dehꞈ le ngeh hawˇ˗eu yaw nyiˇ ngeh˗euˬ gaˇ kawˆ˗ahˇ ngehˬ keuˆ˗eu maˬ keuˆ laˇ miˇ ehˇ taˬ˗euˬ dawˬ jaˆ˗eu meh. Maˬ keuˆ laˇ miˇ ehˇ taˬ˗euˬ dawˬ teu deuˬ maˇ diˇ byah laˇ ngaˬ˗aˇ laˬ? Nawˇ dawˬ kʼoꞈ teu ya siˬ meh.

Jawˇ nah: “Aˬ dui maˬ muiˬ˗eu gaˇ kawˆ ya gaˬ ngeh aˬ jeˬ miˇ neh maˬ guˆ˗eu nga?” lehˇ ehˇ˗eu baˬ maꞈ mehˬ shi dawˬ mehˬ mehˬ gaˇ ya gaˬ ngeh, nymˬ˗mˇ iˬ nah tsawˇ haˬ gʼawˬ mya lam gʼaˬ miˇ tsaˬ kʼoeˇ taˆ tiˬ nah saˇ˗i tiˬ nah doeˇ dzehˬ laˇ luꞈ kʼawꞈ, mehˬ hu paw˗euˬ gaˇ kawˆ˗ahˇ aˬ jeˬ miˇ neh maˬ guˆ ni nui kʼaˬ tsmˬ˗eu nga lehˇ ya siˬ meh.

Biˬdiˬoˬ˗euˬ yaw jeˬ ma jeˬ

Yeˬsuˇ miˇ tsaˬ kʼoeˇ taˆ zahˬ leˇ paˬ˗ehˇ gʼeh˗eu jeˬ˗ehˇ dehꞈ le˗awˇ, yaw nyiˇ ngeh lehˬ laˇ ca laˇ paˬ˗ehˇ gʼeh˗eu jeˬ gʼawˬ mya ni ya tahˬ puˬ˗euˬ meh. Aˬ yawꞈ˗ahˇ sehꞈ mawꞈ˗eu gʼaˬ˗euˬ laꞈ˗ahˇ neh ya buˬ˗iˇ˗eu gʼaˇ duˬ, Yeˬsuˇ˗euˬ aˬ da aˬ ma aˬ yawꞈ˗ahˇ sheuˬ˗awˇ Iˇjiˇtuˆ miˇ kʼahˬ˗ahˇ cehˆ gʼeh˗euˬ meh. Aˬ yawꞈ huiˬ laˇ ngeh jiˇ aˬ yawꞈ saˇ ka˗ahˇ˗euˬ zahˇ mehˬ˗eu saˬ laˬ deuˬ˗ahˇ laˆ zahˬ nehˬ˗euˬ meh. Heu kawˆ hawˇ˗eu gaˇ kawˆ nui deuˬ˗euˬ gaˇ kawˆ, jawˇ nah dzeuˇ ngaˬ nah hawˇ˗eu koꞈ nah laꞈ kʼoeˇ byaˬ˗eu aˇ tsehˆ 2 tsehˆ ahˇ˗eu biˬdiˬoˬ˗ahˇ ya mawˇ meh.

Tsuiꞈ nuiˆ kʼoꞈ˗euˬ smˬ nah mehˬ bawˬ nehˬ˗ehˇ taꞈ˗eu biˬdiˬoˬ deuˬ˗ahˇ haw

Nga maꞈ˗euˬ smˬ nah mehˬ bawˬ˗ahˇ aˬ jeˬ jeˇ jahˇ˗eu nga?

Yeˬhawˇbaˬ˗euˬ Saˇ kiˇ deuˬ˗euˬ mehˬ bawˬ˗ahˇ aˬ jeˬ jeˇ ya gaˬ ya mawˇ˗eu nga lehˇ haw.

2024 kʼoꞈ, Yeˬhawˇbaˬ˗euˬ Saˇ kiˇ deuˬ˗euˬ Smˬ nah mehˬ bawˬ: ‘Laˬ kʼaˬ cehˇ˗eu guiˬ lahˬ dawˬ tsaꞈ gaˬ’

Tsuiꞈ nuiˆ kʼoꞈ˗euˬ smˬ nah mehˬ bawˬ˗ahˇ aˬ jeˬ jeˇ˗euˬ gaˇ kawˆ ahˇ˗eu nga lehˇ haw taˬ.

Biˬdiˬoˬ˗euˬ yaw jeˬ ma jeˬ: Yeˬsuˇ tsaꞈ gaˬ˗eu laˬ kʼaˬ cehˇ˗eu guiˬ lahˬ dawˬ

Tsawˇ haˬ gʼawˬ mya ni Yeˬsuˇ zahˬ leˇ paˬ˗ehˇ gʼeh˗eu jeˬ˗ehˇ dehꞈ le˗euˬ meh lehˇ siˬ nya˗eu meh. Ehˇ kʼawꞈ teu˗euˬ jeˬ hu jeˬ nah aˬ jeˬ pyeuꞈ˗eu lehˇ maˬ siˬ nya˗a.