Yeˬhawˇbaˬ˗euˬ Saˇ kiˇ deuˬ˗euˬ aˇ muˇ˗euˬ mehˬ bawˬ

Nga maꞈ˗euˬ mehˬ bawˬ aˬ joˆ˗ehˇ jahˇ˗eu nga? Nawˬ˗euˬ iˇ kahˇ dawˬ peh jaˆ˗eu bawˬ dzaˬ duˬ˗ahˇ poˆ haw.

Nawˬ˗euˬ nymˇ dawˬ peh˗euˬ bawˬ dzaˬ duˬ˗ahˇ poˆ (opens new window)

Nga maꞈ bawˬ dzaˬ˗eu jeˬ, aˬ joˆ˗ehˇ gʼeh˗eu nga?

Yeˬhawˇbaˬ˗euˬ Saˇ kiˇ deuˬ uˬ duˬ tahˬ˗eu gʼaˇ duˬ, tiˬ jaw laꞈ kʼoeˇ nyiˬ poˆ bawˬ dzaˬ˗eu meh. (Heˬbyehˇ 10:24,25) Heu gaˇ yawˬ gʼaˬ na luꞈ bawˬ dzaˬ le nya meh. Nga maꞈ Jaˇliꞈ mehˬ˗eu jeˬ˗ahˇ ja sawˇ˗awˇ, dehꞈ ziˇ laꞈ kʼoeˇ aˬ joˆ˗ehˇ zmˬ iˇ nya nga lehˇ dzaw˗eu ma.

Nga maꞈ bawˬ dzaˬ˗eu myaˬ tiˬ paˆ, yawˬ gʼaˬ na luꞈ ja noeˬ ja sawˇ mˇ nya meh. Heu˗aˬ, sahˬ boꞈ sawˇ nymˇ˗ahˇ ja sawˇ˗eu loꞈ˗ehˇ duˇ˗eu meh. Mehˬ bawˬ˗ahˇ laˇ˗euˬ deuˬ yawˬ gʼaˬ na luꞈ, naˇ haˬ˗eu jeˬ jaˆ ngeh dawˬ kʼoꞈ biꞈ nya meh. Bawˬ dzaˬ dahˬ beh ngeh maˬ ehˇ, aˇ saˬ saˬ ngeh maˬ ehˇ, dawˬ caˇ caˇ˗awˇ, guiˬ lahˬ shaˇ˗eu ma.

Nawˇ Yeˬhawˇbaˬ˗euˬ Saˇ kiˇ maˬ ngeuˇ kʼawꞈ ni, bawˬ dzaˬ gaˇ oe nya meh. Nga maꞈ yawˬ gʼaˬ na luꞈ˗ahˇ laꞈ kʼaˬ tiˬ cehˇ ha geuꞈ ma. Pyuˇ damˬ gʼoˆ˗eu lehˇ jiˇ maˬ jaˆ˗a.