Mehˬ bawˬ teu naˬ liˬ aˇ myaˆ laꞈ ga leˇ˗eu nga?

Naˬ liˬ tiˬ laꞈ dawˬ peh ga leˇ˗eu meh.

Mehˬ bawˬ teu aˬ gaˇ jahˇ-eu nga?

Nawˇ jawˇ˗eu dawˬ peh aˬ gaˇ jahˇ˗eu nga lehˇ Yeˬhawˇbaˬ˗euˬ Saˇ kiˇ deuˬ˗ahˇ naˇ haˬ.

Ahˇ leˇ poeˬ ya biꞈ meh loˇ?

Maˬ ya biꞈ-a.

Pyuˇ damˬ g’oˆ meh laˬ?

Maˬ g’oˆ-a.

Mehˬ tsoeˬ aˬ joˆ˗ehˇ ya dm˗eu nga?

Aˬ joˆ˗ehˇ ya dm˗eu lehˇ maˬ ehˇ tsehˆ taˬ˗aˬ. Yeˬhawˇbaˬ˗euˬ Saˇ kiˇ deuˬ naˇ, nui ma nahˬ yu ni taˬ˗awˇ, aˬ cawˬ haw muiˬ ni dm lehˇ ehˇ˗eu dawˬ˗ahˇ mˇ caw˗eu meh. (1 Tiˆmoˇseˬ 2:9) Mehˬ tsoeˬ yaw poeˬ dm˗eu maˬ loˬ˗a.

Noeˬ mawˇ˗eu mehˬ bawˬ˗ahˇ aˬ jeˬ jeˇ jahˇ˗eu nga?

Mehˬ bawˬ heu dahˬ beh ngeh hawˇ˗eu jiˇ ngeh, dawˬ caˇ caˇ˗awˇ, Yeˬhawˇbaˬ˗euˬ Saˇ kiˇ deuˬ˗euˬ dah zaˇ tiˬ gʼaˬ guiˬ lahˬ shaˇ˗eu meh. Mehˬ bawˬ heu laꞈ kʼoeˇ neh aˇ yeˇ huiˬ˗eu jeˬ naˇ, Yeˬsuˇ neh aˬ yawꞈ˗euˬ dehꞈ ziˇ lawˇ˗euˬ jeˬ heu aˇ yeˇ aˬ joˆ˗ehˇ huiˬ˗awˇ, aˬ dui Miˬyehˇ hawˇ˗eu Yeˬsuˇ neh aˬ dui˗euˬ gʼaˇ duˬ mˇ˗euˬ jeˬ˗ahˇ neh gaˇ dahˇ tsoeˬ˗eu jeˬ za˗eu gʼaˇ duˬ, aˬ jeˬ jeˇ ya jahˇ˗eu nga? lehˇ dzawˇ nehˬ˗eu dawˬ mehˬ mehˬ˗eu heu meh.

Heu naˆ maˬ tseˇ siˬ nya mawꞈ naˇ, “Yeˬhawˇbaˬ˗euˬ Saˇ kiˇ deuˬ aˬ jeˬ miˇ neh Yeˬsuˇ˗euˬ ciꞈ hawˬ dzaˬ byawˇ jahˇ˗eu aˬ cawˬ˗euˬ zahˇ deuˬ nehˬ˗ehˇ beu gaˇ˗eu nga?” lehˇ ehˇ˗eu gaˇ kawˆ˗ahˇ haw.

Noeˬ mawˇ˗eu mehˬ bawˬ aˬ geu ngeh paˇ jahˇ nga siˬ?

2025: Oeˬ siˬ ba la 12 nah, Jawˇ nah dzeuˇ koꞈ nah

2026: Oeˬ siˬ ba la 2 nah, Jawˇ nah dzeuˇ oeˬ nah