BIBLA KPUKPUI CIWO WOÐE GƆNMƐ NƆ
Gɔnmɛjeje 1:26—“Mìawa Agbetɔ Nɔ Aɖyi Mì”
“Eyi Mawu nu mɔ: ‘Mìawa agbetɔ nɔ aɖyi mì, shigbe lé mì le do nɛ, ákpa acɛ nɔ kpaviwo le axu mɛ, xevi ciwo yí le aya mɛ, axomɛlanwo, nyigban lɔ keŋkeŋ koɖo elan ciwo pleŋ yí tanɔ le nyigban lɔ ji.’”— Gɔnmɛjeje 1:26, Xexe Yoyu Gɔnmɛɖeɖe.
“Eyi, Mawu nu mɔ, ‘Evyɛ ɔ, mì a ɖo agbetɔ. Mì a ɖo agbetɔ nɔ aɖyi Mìwoŋtɔwo. Agbetɔwo a le shigbe Mìwoŋtɔwo ɛnɛ. Wo a ɖu kpaviwo koɖo xeviwo ji. Wo a gbe ɖu elan ganganwo koɖo elan hwɛhwɛwo ciwo yí tanɔ ji.’”—Gɔnmɛjeje 1:26, Mawu Nyɔ.
Gɔnmɛsese nɔ Gɔnmɛjeje 1:26
Mawu wa agbetɔwo yí woɖyi, yi gɔnmɛ yí nyi mɔ nujikpekpe le wo shi yí wotekpɔ yí ɖonɔ Mawu nɔnɔmɛwo yí danasɛ wo. Nɔnɔmɛ ɖewo yí nyi lɔnlɔn, vevisesedoamɛnu koɖo enujɔjɔɛwawa. Eyi taɖo agbetɔwo srannɔ Mawu yí wanɔ nu shigbe yɛ nɛ.
“Mawu nu mɔ: ‘Mìawa agbetɔ nɔ aɖyi mì.’” Gbɔxwe Yehowa Mawu a awa enuwo alo agbetɔwoɔ, éwa mawudɔla ŋsɛntɔnɔ ɖeka ci yí vatɔ mɔ Yesu. To Yesu jiɔ, ‘wowa enu ciwo yí le jeŋkwi mɛ koɖo nyigban ji.’ (Kolosetɔwo 1:16) Yesu nɔnɔmɛwo le shigbe Yehowa tɔ nɛ—“Yesu le shigbe Mawu ɛnɛ.” (Kolosetɔwo 1:15) Eyi taɖo esɔgbe ci Mawu nu nɔ Yesu mɔ: “Mìawa agbetɔ nɔ aɖyi mì.”
“Ákpa acɛ nɔ. . . axomɛlanwo, nyigban lɔ keŋkeŋ.” Mawu dewa elanwo yí woɖyi o. Wodewa wo nɔ woaɖo nɔnɔmɛ ciwo yí le agbetɔwo shi, shigbe lɔnlɔn alo ayexadohwɛnamɛnu nɛ o. Ele ahan gan, Mawu sɔnɔ ɖe le ji nɔ elanwo. Eyi taɖo enu mɔ agbetɔwo ɖo “akpa acɛ” nɔ elanwo. Wotɛnŋ gbeɖe nyɔ cɛ gɔnmɛ mɔ “ɖu fyɔ do wo ji” alo “kpɔ wo ji.” Édasɛ mɔ Yehowa ɖo dɔ nɔ agbetɔwo mɔ wo le le bu nɔ elanwo. (Ehajiji Wema 8:6-8; Elododo Wema 12:10) Yehowa ji mɔ agbetɔwo le wa ɖaŋ ale bu nɔ nyigban lɔ koɖo enuleagbu ciwo pleŋ yí le ji.
Enyɔ ciwo yí trɔdo Gɔnmɛjeje 1:26
Eta amɛve ŋkɔtɔwo nɔ Gɔnmɛjeje wema lɔ dre lé wowa xexegbɛ lɔ, mìwo nyigban lɔ koɖo enu ciwo yí le agbe le ji do. Ŋɖekpokpui ci Yehowa wa nyakpɔkpɔ haan, vɔ enuwawa ci yí jiŋ le nyigban ji sɔwu yí nyi agbetɔwo. Ci Mawu ɖegbɔ enu ciwo ewaɔ, ‘ékpɔ enushanu ci ewa, yí ekpɔ mɔ wo pleŋ wonyɔ nywiɖe.’—Gɔnmɛjeje 1:31.
Kpɔ video kpoli cɛ keŋ akpɔ enyɔ bu ciwo Gɔnmɛjeje wema lɔ nu so enuwawawo nu.
Susu masɔgbewo do Gɔnmɛjeje 1:26 nu
Susu masɔgbe: Ŋsuwo ɖekɛ yí atɛnŋ asran Mawu nɔnɔmɛwo alo adanasɛ wo, denyi nyɔnuwo yɔ o.
Nyɔnɔnwi: Ci wozan nyɔgbe “ŋsu” le Bibla sugbɔ mɛɔ, mɛɖewo tɛnŋ bui mɔ ŋsuwo ɖekɛ nu woxokɔ nuxu so. Ele ahan gan, le nɔnɔmɛ cɛ mɛɔ, Ebre nyɔgbe ci wozan le kpukpui cɛ mɛ yi nɔ agbetɔwo pleŋ, ŋsu koɖo nyɔnu. Ŋsu fin nyɔnu fin, wo koɖo ve yí atɛnŋ asran Mawu nɔnɔmɛwo. Wo koɖo ve lɔ yí ekpɔɛ yí wɛ nɔ yí na agbe mavɔ mɔkpɔkpɔ.—Ʒan 3:16.
Susu masɔgbe: Mawu ɖo ŋcinuwo shigbe agbetɔwo nɛ.
Nyɔnɔnwi: “Mawu nyi gbɔngbɔn”—édasɛ mɔ mìdatɛnŋ akpɔɛ koɖo ŋkuvi o. (Ʒan 4:24) Ci Bibla xonɔ nuxu so Mawu nu hweɖewonu mɔ yɛɖo ŋmɛ, alɔ̀wo, eji koɖo nubuwoɔ, wonyi nyɔgbe ciwo yí akpedo agbetɔwo nu nɔ woamɔŋje mɛ ciŋmɛ enyi mɛ.—Hunhun 15:6; 1 Piɛ 3:12.
Susu masɔgbe: Gɔnmɛjeje 1:26 dasɛ mɔ Yesu nyi Mawu.
Nyɔnɔnwi: Mawu koɖo Yesu nyi eda koɖo evi, wodenyi mɛ kuɖeka o. Yesu kpla nu mì mɔ Mawu wugan ye. (Ʒan 14:28) Nɔ àkpɔ enumɛɖeɖe buwoɔ, kpɔ video ci yí nyi Yesu Kristo yí nyi Mawua? Alo hlɛn enyɔci ci yí nyi “Nu Ka Tae Woyɔa Yesu Be Mawu Ƒe Vi?”
Kpɔ video kpoli cɛ keŋ akpɔ enumɛtoto nɔ Gɔnmɛjeje wema lɔ.
a Yehowa yí nyi Mawu ŋkɔ. (Ehajiji Wema 83:18) Kpɔ enyɔci ci yí nyi “Ame Kae Nye Yehowa?”
Ebuwo Ke
BIBLA MƐ NUKPLAMU VEVIWO
Yesu Kristo yí nyi Mawua?
Yesu Kristo nyi ŋɖekɛ koɖo Mawu Ŋsɛnwopleŋtɔ lɔa? Abi Mawu le akpo yí Yesu Kristo can le akpoa?
BIBLA NUKPLAKPLA VEVIWO
Nyi yí taɖo Mawu wa nyigban lɔɔ?
Mìwo nyigban lɔ ɖɔ koɖo enuwawa jiŋwo. Wosɔ da do fini eɖo anɔ pɛɛ nɔ ewe, yí elɔnɔ ju ci yí sɔgbe nɔ étrɔkɔ le yiɖeki shi. Nyi yí taɖo Mawu do gbla sugbɔ ahan yí wa nyigban nywi cɛɔ?
BIBLA MƐ NUKPLAMUWO
Bibla kplakpla dɔwanuwo
Kpɔ Bible kplakpla dɔwanu ciwo yí adɔ ao nukplakpla lɔ avivi keŋ asɔ wo; woagbekpedo eo nu nagbenya lé àwanɔ nu do le agbemɛ.
BIBLA MƐ NUKPLAMUWO
Te Bibla Kplakpla Lɔ Kpɔ
Biɔ mɔ wo le va kpla Bibla koɖo ye to seŋkankan ji ehomana.
