APRIL 21, 2022
XEXEƐ MƐ NYƆJƆJƆWO

Amɛ Miliɔn Nɛniɖe Bɔ yí Awa Eŋwiɖoɖo Kriso ku lɔ

XUI LE

Nɔviwo dokɔ gbe nɔ wowonɔnɔwo le Chili

Le 15 Avril 2022 ɔ, Yehowa Kunuɖetɔ miliɔn nɛniɖe koɖo amɛyɔyɔwo ɖo ŋwi Axwtɔ Fiɛfi Ŋɖuɖu lɔ. So 2019 mɛɔ, eyi nyi ŋkɔtɔ ci wogbewa wana vevi cɛ ŋmɛŋmɛ kpɔ. Mɛ ciwo yí detɛnŋ va kɔcɛ wana lɔ nɔ ka mɛ koɖo hamɛwo yí kpɔɛ alo si.

Eŋwiɖoɖo Kristo ku lɔ yí nyi bɔbɔ vevitɔ nɔ Yehowa Kunuɖetɔwo le exwe lɔ mɛ. Ci COVID-19 dɔ̀bamɛ lɔ liɔ, videokacaca ji wowa xweshiaxwe wana cɛ le na nɔ exwe amɛve. Mɛ ciwo yí wu miliɔn 21 yí va Eŋwiɖoɖo lɔ le 2021 mɛ.

Eŋwiɖoɖo cɛ yí nyi ŋkɔtɔ ci Markensia Remy ci yí so Haïti tɔ yí wa ŋmɛŋmɛ. Markensia wa ʒinʒindoshimɛ so exwe ɖeka ke, énu mɔ: “Ejɔ ji nɔŋ sugbɔ mɔ ŋva Eŋwiɖoɖo lɔ Fyɔduxuxɔ mɛ. Ewu nu nɔŋ. Ŋkpɔɛ mɔ xomu cɛ mɛ tɔ ŋnyi nyao.”

Mìdokɔ akpe nɔ Yehowa, ci ecu shi do kɔcɛ Ŋwiɖoɖo lɔ ji. Vevitɔɔ, mìdokɔ akpe nɔ Yehowa Mawu koɖo Eviɛ Yesu Kristo nɔ lɔnlɔn nu gangantɔ ci wona mì.—Ʒan 3:16.