Eŋɛnywiwema Matie Tɔ 1:1-25
1 Yesu Kristo* Davidi vi, Abrahamu viɛ xolɔlɔ* wema ke:
2 Abrahamu ji Izaki;Izaki ji Ʒakɔbu;Ʒakɔbu ji Ʒuda koɖo nɔviɛwo;
3 Ʒuda ji Perɛzi koɖo Zera; wowo nɔ yí nyi Tama;Perɛzi ji Hɛzrɔn;Hɛzrɔn ji Ramu;
4 Ramu ji Aminadabu;Aminadabu ji Nasɔn;Nasɔn ji Salumɔ;
5 Salumɔ ji Boazi; enɔlɔ yí nyi Raxabu;Boazi ji Obɛdi; enɔlɔ yí nyi Ruiti;Obɛdi ji Ʒɛse;
6 Ʒɛse ji efyɔ Davidi.
Davidi ji Salomɔ; enɔlɔ yí nyi Uri ashiɛ;
7 Salomɔ ji Roboamu;Roboamu ji Abiya;Abiya ji Asa;
8 Asa ji Ʒozafati;Ʒozafati ji Ʒoramu;Ʒoramu ji Ozia;
9 Ozia ji Ʒoatamu;Ʒoatamu ji Akazi;Akazi ji Ezekiazi;
10 Ezekiazi ji Manase;Manase ji Amɔ;Amɔ ji Ʒoziasi;
11 Ʒoziasi ji Ʒekonia koɖo nɔviɛwo hwenu wokplɔkɔ wo yi hwashigbemɛ le Babiloni.
12 Ci wole hwashigbemɛ le Babiloni ɔ, Ʒekonia ji Salatiɛli;Salatiɛli ji Zorobabɛli;
13 Zorobabɛli ji Abiudi;Abiudi ji Eliakimu;Eliakimu ji Azɔ;
14 Azɔ ji Zadɔki;Zadɔki ji Akimu;Akimu ji Eliudi;
15 Eliudi ji Eleazar;Eleazar ji Matan;Matan ji Ʒakɔbu;
16 Ʒakɔbu ji Ʒozɛfu, Mari asuɔ; Mari yí ji Yesu, ci woyɔnɔ mɔ Kristo.
17 Eyi tɔgbitɔgbi lɔwo pleŋ, so Abrahamu ji va Davidi ji wa 14; so Davidi ji va hwenu wokplɔ wo yi hwashigbemɛ le Babiloni wa 14; eyi so hwenu wokplɔ wo yi hwashigbemɛ le Babiloni keke vaɖo Kristo ji wa 14.
18 Vɔ lé Yesu Kristo jiji yi do ke. Hwenu woɖo gbe mɔ, woasɔ nɔlɔ Mari na Ʒozɛfu aɖe yí wodekpɔ ɖe nɔnɔ hɔɖoɔ, gbɔngbɔn kɔkɔɛ* na yí Mari fɔn fu.
19 Vɔ ci asuɔ Ʒozɛfu nyi amɛjɔjɔɛ yí deji mɔ yeado ŋkpɛn yi le amɛwo mɛɔ, éɖui mɔ yeagbi le bebemɛ.
20 Ci ebu tamɛ kpɔ so ŋcɛwo nu ɖegbɔɔ, Yehowa* dɔla ɖeka dasɛ yiɖeki ni le drɔ mɛ yí nu mɔ: “Ʒozɛfu, Davidi vi, ashio Mari kplɔkplɔ va ao xomɛ ŋgbeso jika nɔ eo o, ɖo gbɔngbɔn kɔkɔɛ yí dɔ efɔn fu.
21 Áji ŋsuvi yí nàyɔɛ mɔ Yesu,* ɖo áhwlɛn yi mɛwo gan le wowo nuvɔnwo mɛ.”
22 Enu cɛwo pleŋ jɔ, nɔ enyɔ ci Yehowa* nu to yi nyɔnuɖɛtɔ ji avamɛ. Émɔ:
23 “Kpɔ ɖa! Cugbejɛ lealɔji lɔ afɔn fu yí aji ŋsuvi, yí woayɔɛ mɔ Emanuɛli,” ci gɔnmɛ yí nyi, “Mawu Le Koɖo Mì.”
24 Eyi Ʒozɛfu nyɔ so alɔn mɛ yí wa do enyɔ ci Yehowa* dɔla lɔ nu ni ji yí kplɔ ashiɛ va yi xomɛ.
25 Vɔ dedɔn koɖi o, keke je hwenu yí eji ŋsuvi lɔ yí eyɔɛ mɔ Yesu.
Gɔnmɛnuŋwlɛnŋwlɛn
^ Alo “Mɛsia; Amɛshiaminɔ.”
^ Alo “wema ci yí yɔ tɔgbitɔgbiɛwo.”
^ Alo “Mawu ŋsɛn ci esɔ wanɔ dɔ.”
^ Mawu ŋkɔ Yehowa ze donu 237 le Kristotɔwo Grɛki Nuŋwlɛŋwlɛ lɔwo mɛ. Elɛ yí nyi texwe ŋkɔtɔ ci eze le nɔ Bibla gɔnmɛɖeɖe cɛ. Kpɔ Enumɛɖeɖewo A5.
^ Ŋkɔ cɛ sɔ koɖo Ebregbe ŋkɔ Ʒeshua alo Ʒozue ci gɔnmɛ yí nyi “Yehowa nyi Hwlɛngan.”
^ Kpɔ Enumɛɖeɖewo A5.
^ Kpɔ Enumɛɖeɖewo A5.
