MÍNƆ ZANŊTE!
2022 Nyi Exwe Ci mɛ Enuwo Caka le—Lé Bibla Nu So Nuɔ?
Le exwe 2022 mɛɔ, ahwawo, eho cukaɖawo, koɖo jɔjɔmɛfɔkuwo nyɔwo mìsekɔ le enyɔjɔjɔwo mɛ gashiagamɛ. Bibla ɖekɛ yí dre gɔnmɛsese ci yí le enujɔjɔ cɛwo nu.
Gɔnmɛsese ci yí le exwe 2022 nujɔjɔwo nu
Enu ciwo yí jɔ le exwe ci yí vayi mɛ dasɛ doji petii mɔ, mìle agbe le hwenu ci Bibla yɔ mɔ “ŋkeke vɔvɔwo” mɛ. (2 Timɔte 3:1) Hwenu lɔ tɔ ji le exwe 1914 mɛ. Na mìakpɔ lé enu ciwo yí jɔ sabaɖe sɔ koɖo enu ciwo Bibla nu ɖɛ mɔ woavajɔ le mìwo hwenu do:
‘Ahwawo.’—Matie 24:6.
“2022 Nyi Exwe Ci mɛ Ahwa ci yí Ðyivɔnvɔn Trɔ Va Europe.” a
Kpɔ nyɔci ci yí nyi “Russie tɔ ahwa koɖo Ukraine.”
“Ejutotwiwo.”—Matie 24:7.
“2022 Nyi Exwe Ci mɛ Eju To le Sugbɔ.” b
Kpɔ nyɔci ci yí nyi “Ukraine-ʋaa Wɔe Be Nuɖuɖu Le Asi Xɔm Ðe Edzi Le Afi Sia Afi.”
“Edɔ̀lele ganganwo.”—Luiki 21:11.
“Edɔ̀ ci yí nyi polio gbeto, variole du singe lékɔ amɛ sugbɔ, yí COVID-19 kpɔtɔ dadahɛn nu. Ecɛwo dasɛ petii mɔ edɔ̀bamɛwo dadahɛn nu yí agbetɔwo gbe le afɔku mɛ.” c
Kpɔ nyɔci ci yí nyi “COVID wu agbetɔ miliɔn amadɛn.”
‘Enujiŋ ciwo yí ado vɔnvɔn.’—Luiki 21:11.
“Zozu ci yí wuwuɔ gan, eshimaja, avebizowo, eshixɔaxwewo. Exwe 2022 aci susu mɛ nɔ amɛ sugbɔtɔ sɔ kuso enu ciwo yí jɔ yí dahɛn enuwo nu; amɛ miliya nɛniɖe ku, yí amɛ miliɔn nɛniɖe so vayi ci eju buwo mɛ.” d
Kpɔ nyɔci ci yí nyi “Zozu vasɛnkɔŋ le xexeɛ mɛ.”
“Hannyahannyawo.”—Luiki 21:9.
“Eho cukaɖawo koɖo ci enuwo vavekɔ ho do dɔmɛzi nɔ jumɛviwo keke wofɔn gu do acɛkpakpawo ji sugbɔ le exwe 2022 mɛ.” e
Kpɔ nyɔci ci yí nyi “Enuwo vavekɔ ho le xexeɛ pleŋ mɛ.”
Nyi yí ajɔ le exwe ci yí gbɔgbɔ mɛɔ?
Mɛɖekɛ datɛnŋ anu enu ci teŋ yí ajɔ le exwe 2023 mɛ o. Enu ci mìnya yí nyi mɔ dajinjin o, Mawu Fyɔɖuxu lɔ alo jeŋkwi mɛ cɛkpakpa lɔ avakpɔ nyigban ji nyɔwo gbɔ. (Daniɛli 2:44) Acɛkpakpa lɔ aɖe enu ciwo yí donɔ vevisese nɔ agbetɔwo si, yí atekpɔ nɔ woawanɔ Mawu dro le nyigban ji.—Matie 6:9, 10.
Mìdokɔ ŋsɛn eo nɔ nawa do Yesu Kristo nukplamu ji, yí ‘anɔ zanŋte’ keŋ akpɔ lé xexeɛ mɛ nujɔjɔwo na Bibla nyɔnuɖɛwo vavamɛ do. (Maki 13:37) Mìɖe kuku, te gogo mì keŋ akpla nubuwo so lé Bibla atɛnŋ akpedo eo nu le kakacɛ mɛ koɖo lé atɛnŋ ana mɔkpɔkpɔ eo koɖo ao xɔmu kuso esɔ mɛ nywi ɖeka nu.
a J. Lawless, « 2022 Was Year the Horror of War Returned to Europe », AP News, 8 décembre 2022.
b Programme alimentaire mondial (PAM), « Une faim catastrophique », fr.wfp.org.
c L. Gostin, « Living in an Age of Pandemics—From COVID-19 to Monkeypox, Polio, and Disease X », JAMA Health Forum, 22 septembre 2022.
d M. Igini, « What’s Behind the Record-Breaking Extreme Weather Events of Summer 2022? », Earth.Org, 24 octobre 2022.
e T. Carothers et B. Feldman, « Economic Anger Dominated Global Protests in 2022 », Carnegie Endowment for International Peace, 8 décembre 2022.
Ebuwo Ke
BIBLA NUKPLAKPLA VEVIWO
Nyi yí Mawu Fyɔɖuxu nyiɔ?
Le Yesu ŋɛnywidradradɔ mɛɔ, ékpla nu amɛwo kudo Mawu Fyɔɖuxu nu wu etanyɔ ɖekpokpui. So exwe sanŋdi nɛniɖeɔ, yi dokplɔtɔwo dokɔ gbeɖaɖa mɔ Fyɔɖuxu lɔ le va.
MIWO MÌNYIƆ?
Biɔ Bibla Nukplakpla
Kan seŋ so Bibla nyɔbiɔse ɖe nu alo kpla nubuwo so Yehowa kunuɖetɔwo nu.
