Agbenywinɔnɔ va bubuɔ ɖɛ yɛ. Dɔ̀nɔ ɖekawo babaha dotowo yí dodo axwa do ta nɔ wo; mɛɖekawo va ŋɖuɖu xwle gbe yí wawa adan do ŋɖuɖusatɔ lɔwo; emɔzɔntɔwo tɔ vu koɖo mɛ ciwo yí kpɔnɔ enuwo ji le yamɛhun mɛ; gbevuvi ɖekawo je wowo cicawo ji, kokoɔ wo yí kankan adan nɔ wo; politikitɔ ɖewo wawa enu kpotuwo yí politikitɔ buwo nunuɔ mɔ yewo yí nɔnɔ agbe nywi.

 Bibla yí nyi emɔdasɛnɔamɛ wema ci nu kankandoji le kuso agbenywinɔnɔ nu. Édre ŋci yí taɖo agbenywinɔnɔ va bubuɔ le egbɛ mɛ hɛnnɛ.

 Agbenywinɔnɔ yí nyi nɔnɔmɛ nywiwo ɖoɖo, amɛbubu, koɖo enu ciwo yí sɔgbe wawa. Vɔ, enu cɛwo pleŋ va bubuɔ le xexe lɔ mɛ.

•   Ci wobiɔ nyɔ amɛwo se le Amerikiɔ, wonu mɔ agbenywinɔnɔ ɖekpɔtɔ keŋkeŋ le États-Unis sɔwu exwe 22 ciwo yí vayi mɛ.

•   Wogbebiɔ nyɔ amɛ 32 000 se le jukɔn 28 mɛ, yí amɛ 65 le sanŋdi ɖeka mɛ nu mɔ agbenywinɔnɔ va bubuɔ le agbetɔwo mɛ sugbɔ yí yewodekpɔ ahan kpɔ o.

 Bibla nu nyɔ ɖɛ so lé amɛwo awanɔ nu do le egbɛmɛ nu.

•   “Cukaɖa sugbɔ a va le ŋkeke vɔvɔwo mɛ. Le ega hunnɔwo mɛɔ, amɛwo alɔn wowo ŋtɔwo ɖekɛ, yí agbelɔn eho ɖekɛ. Woanyi egoyitɔwo koɖo amɛ gangan wowoɖekitɔnɔwo. Amɛwo azunɔ amɛwo. Amɛwo agbe eto nɔ wowo jitɔwo. Woanyi amɛ madoakpe tɔnɔwo . . . amɛwo adonɔ dɔmɛzi, yí awanɔ evu.”​—2 Timɔte 3:1-3.

 Nɔ akpɔ nubuwo so lé enyɔnuɖɛ cɛ vavamɛ do nuɔ, hlɛn nyɔci ci yí nyi “La Bible a-t-elle prédit la mentalité et la conduite des gens de notre époque?”

 Ci agbenywinɔnɔ bubuɔ le xexe lɔ mɛ can ɔ, agbetɔ miliɔn nɛniɖe kpɔɛ mɔ Bibla nyi emɔdasɛnɔamɛ wema nywi ci yí akpedo mì nu mìanɔ agbe nywi. Kankandoji le yi nukplamuwo nu “keke asɔ yi mavɔmavɔ.” (Ehajiji Wema 111:8) Mìakpɔ enukplamu ɖewo:

•   Enyɔ ci Bibla nu: “Enushianu ci yí mí jinɔ mɔ amɛagbetɔwo le wanɔ nɔ míwo ɔ, míwo can míwo le wɛni nɔ wowo hɛnnɛ.”​—Matie 7:12.

   Gɔnmɛsese: Mìɖo afanɔ xomɛ do amɛwo yí abunɔ wo shigbe lé mìji mɔ wo le wa nɔ mì do nɛ.

•   Enyɔ ci Bibla nu: “Míɖo ami ŋsukankan. Tɛgbɛɔ, míɖo anunɔ nyɔnɔnwi nɔ míwonɔnɔwo.”​—Efezitɔwo 4:25.

   Gɔnmɛsese: Mìɖo atonɔ nyɔnɔnwi le nyɔ ɖekpokpui ci mìnunɔ koɖo ŋɖekpokpui ci mìwanɔ mɛ.

 Nɔ àkpɔ nubuwo so nyɔ cɛ nuɔ, mìɖe kuku hlɛn:

•   Jutakpɔxɔ ci nyɔta yí nyi “Nyui Kple Vɔ̃​—Mɔfiame Si Dzi Nàte Ŋu Aka Ðo.”

•   Nyɔci ci yí nyi “Ale Si Biblia Kpena Ðe Mía Ŋu Be Míase Nu Gɔme Na Amewo Ahade Bubu Wo Ŋu.”