Ci woji nu gɔnmɛ kpɔ le xexeɛ pleŋ mɛɔ, a wokpɔ mɔ éwanɔnɔ amɛ kuɖeka le amɛnɛ mɛ mɔ yeci akogo.

•   “Mɛɖe atɛnŋ aci azɔge alo ekacaca dale yɛ koɖo amɛwo gblamɛ o; mɛ lɔ tɛnŋ ɖo exwe ɖe alo so fiɖekpokpui.”​—Chido Mpemba, Xexeɛ Mɛ Lanmɛsɛn Habɔbɔ lɔ kpaxwe ci yí kpɔnɔ Jugbaja hadoxunyɔ gbɔ Jikpɔtɔ Gɔnmɛnɔtɔ.

 To vo nɔ lé amɛ sugbɔ buiniɔ, denyi amɛshinshinwo alo mɛ ciwo yí le azɔge nɔ amɛwo ɖekɛwo yí akogocici wakɔ nu koɖo o. Vɔ éwakɔ nu koɖo jajɛwo, mɛ ciwo yí le lanmɛsɛn mɛ, mɛ ciwo enu mlɛkɔ nɔ koɖo asu koɖo ashiwo hɛnnɛ. Azɔgenɔnɔ koɖo akogocici atɛnŋ adahɛn nu le mɛ lɔ lanmɛsɛn koɖo yi seselelanmɛ nu.

•   Doto amɛkótɔ gangan Vivek Murthy le États-Unis nu mɔ: “Akogocici sɛnŋ xoxoxo wu seselelanmɛ ɖefunnamɛ ɖe kpoŋ.” Énu kpi mɔ: “Eku ci yí tonɔ so azɔgenɔnɔ alo akogocici mɛ sɔ koɖo eku ci yí tonɔ so shiga 15 yɔyɔ gbeshiagbe mɛ.”

 Mìwo Watɔ lɔ deji mɔ mìwo aci azɔge nɔ amɛwo o. Mawu susu yí nyi mɔ agbetɔwo asenɔ vivi nɔ exlɔnyinyi yí akpɔnɔ jijɔ so mɛ.

•   Bibla gɔnmɛɖose: “Mawu nu mɔ: ‘Dé nyɔ mɔ ŋsu anyi yiɖekɛ o.’”​—Gɔnmɛjeje 2:18.

 Mawu ji mɔ mìwo le nyi exlɔ koɖo ye. Éɖo gbe mɔ yeate gogo mì nɔ mìtekpɔ yí te gogo ye.​—Ʒaki 4:8.

•   Bibla gɔnmɛɖose: “Jijɔtɔwo yí nyi mɛ ciwo yí nya mɔ gbɔngbɔnmɛnuwo ʒan yewo, ɖo wowotɔ yí nyi jeŋkwi mɛ Fyɔɖuxu lɔ.”​—Matie 5:3, NWT.

 Mawu ji mɔ mìwo koɖo mɛbuwo le bɔ doju asɛn ye. Nɔ mìwɛ ahan ɔ, ákpedo mì nu mìakpɔnɔ jijɔ doji.

•   Bibla gɔnmɛɖose: ‘Mìɖo abu tamɛ so mìwonɔnɔwo nu, yí akpɔ lé mìakpedo mìwonɔnɔwo nu do yí adasɛ lɔnlɔn koɖo enunywiwawa. Mìdeɖo ami bɔbɔ vava o, . . . vɔ mìado ŋsɛn lanmɛ nɔ mìwonɔnɔwo.’​—Ebretɔwo 10:24, 25.

 Nɔ àkpɔ enu ci yí taɖo ele veviɖe mɔ woaɖu akogocici jiɔ, hlɛn nyɔta ci yí nyi “La solitude à l’ère de la communication.”