Amɛwo jinɔ acɛkpatɔ ciwo ji woatɛnŋ akando; politikitɔ amɛbletɔwo nu cikɔ kɔ nɔ wo. Enumɛkuku ɖeka ci wowa le exwe 2023 mɛ le eju vovowo mɛ dasɛ mɔ amɛwo degbekankando acɛkpatɔwo ji ahan o. a

 Bibla dre acɛkpakpa ɖeka, yí mɛ ci yí le ŋkɔ nɔ acɛkpakpa lɔ nyi Mɛ ci ji woatɛnŋ akando keŋkeŋ. Egbenyi nyɔnɔnwitotɔ yí deblenɔ amɛ o. Acɛkpakpa ŋtɔ́ yí nyi Mawu Fyɔɖuxu, eyi Mɛ ci yí le ŋkɔ ni nyi Yesu Kristo.​—Ezai 9:7.

 Yesu dasɛ le yi nuwanawo mɛ mɔ yesɔ eɖe le ji nɔ agbetɔwo veviɖe. (Matie 9:35, 36) Ci enyi Efyɔ nɔ Mawu Fyɔɖuxu lɔɔ, avahɛn fafa koɖo jɔjɔɛnyinyi vɛ nɔ mɛ ciwo pleŋ yí lɔn lé ékplɔkplɔ wo do.​—Ehajiji Wema 72:12-14.