Gbeɖekaɔ, nɔvinyɔnu ɖeka ci yí so Nouvelle Zélande kpɔ video ɖeka le jw.org ji. Video lɔ xo nuxu so lé Yehowa senɔ vevi do amɛ nu do koɖo lé egbedanasɛ yi nɔ amɛwo mɔ yesenɔ vevi do wo nu. (Ezai 63:​7-9) Éji mɔ yeawa do enyɔ ciwo yí yese le video lɔ mɛ ji yɩ́ akpedo mɛbuwo nu. Gbenɔgbe lɔ keɔ, éyi nuxwlegbe yɩ́ do go nyɔnu ɖeka ci yɩ́ deɖo dɔnxu o yɩ́ emɔ yeaxwle ŋɖuɖu ni. Nyɔnu lɔ lɔn mɔ yɛ le xwle ŋɖuɖu lɔ nɔ ye. Ci nɔvinyɔnu lɔ sɔ ŋɖuɖu lɔ yi jo niɔ, ézan trakti ci yɩ́ nyi Efunkpekpewo ava vɔ gbeɖekaa? sɔ ɖe kunu ni

Nyɔnu lɔ ɖa avin do. Éɖe mɛ ni mɔ wohɛn ye le nyɔnɔnwi lɔ mɛ, vɔ yevatashi nyɔnɔnwi lɔ exwe nɛniɖe ke. Dejinjin yɛ o, yedo gbe ɖaɖa nɔ Yehowa mɔ yɛ le kpedo ye nu nɔ yeatrɔgbɔ va gbɔ. Nɔvinyɔnu lɔ ni Bibla ɖeka yɩ́ wa toto koɖi nɔ woakpla Bibla. a

Shigbe Yehowa nɛɔ, mɩ̀wo can mɩ̀atɛnŋ asenɔ vevi do amɛwo nu, mɩ̀agbesenɔ vevi do mɩ̀wo xomumɛtɔwo, mɩ̀wo nɔviŋsu koɖo nɔvinyɔnuwo nu. Ahanke mɩ̀danasɛ mɔ mɩ̀senɔ vevi do amɛwo nu, nɔ mɩ̀jinɔ emɔnu vovovo ciwo ji mɩ̀ato yɩ́ aɖenɔ kunu nɔ amɛwo.