Taŋfuin shigbe mìwo sugbɔ nɛɔ, egbɔnnɔnu nɔ eo mɔ àɖo ŋwi enu ci èkpla. Vɔ èdo jeshi mɔ kpɔwɛ ciwo Yesu zan le yi nukplakpla mɛ vanɔ susu mɛ nɔ mì blaŋblaŋ a? Ètɛnŋ kpɔnɔ enu lɔwo le susu mɛ yí ekpenɔdo eo nu yí èɖonɔ ŋwi yi nukplamu lɔwo. Ahanke àtɛnŋ aɖonɔ ŋwi enu ciwo yí èkplakɔ sɔwu nɔ èkpɔkpɔ enu lɔwo le susu mɛ. Lé àtɛnŋ awɛ doɔ? Ta enu ciwo yí èkpla lɔwo do ŋɖe ji.

Blaŋblaŋ ɔ, amɛ ciwo yí tanɔ enuyoyu ciwo wokpla do ŋɖe ji ɖonɔ ŋwi wo nywiɖe sɔwu. Wokpɔɛni mɔ denyi nyɔgbe lɔwo ɖekɛ yí enutata kpenɔdo yewo nu yewomɔnɔŋje o, vɔ egbekpenɔdo yewo nu yewomɔnɔŋje susu vevi lɔwo mɛ hɛnnɛ. Eyi enu lɔ devanyinɔ enutata ɖe kpoŋ nɔ wo. Kpeɖojiwo dasɛ hɛnnɛ mɔ nɔ amɛshinshinwo ta enuwo ɖɛɔ, ekpenɔdo wo nu woɖonɔ ŋwi enu ciwo wokpla.

Nɔ àgbekpla nu gabumɛɔ, ètɛnŋ tekpɔ keŋ ata enu ciwo èkpla lɔwo. Akpaca eo mɔ èɖo ŋwi enu lɔwo sugbɔ!