Mì pleŋ ɖo gamɛ ɖe koŋ yí sɔ kplanɔ nu. Lé mìawɛ yí azannɔ gamɛ ŋtɔ́ nywiɖeɔ? Ŋkɔtɔ, zan gamɛ nywiɖe do enu ci èhlɛnkɔ nu. Nɔ egbenyi enu nyɛkuin ɖe èkpla can yí èwa ɖaŋ kplɛ nywiɖeɔ, àɖu le ni sɔwu mɔ àdan to enu sugbɔ mɛ cacaca.

Eyi taɖo, can enu ciwo àkpla doŋkɔ. (Efe. 5:15, 16) Kpɔ enu ciwo àtɛnŋ awa ɖewo ɖa:

• Hlɛnnɔ Bibla ŋkeke ɖeka duu. (Eha. 1:2) Ètɛnŋ tɔɛ ji koɖo Bibla hlɛnhlɛn toto ci mìzannɔ le kwɛshila dodomɛ bɔbɔwo mɛ kwɛshila ɖeshiaɖe.

• Dranɔ Jutakpɔxɔ nukplakpla koɖo kwɛshila dodomɛ bɔbɔ do. Le gbesɔsɔ aɖonɔ nyɔ ŋci.​—Eha. 22:22.

• Gbetekpɔ yí akpɔnɔ yí agbehlɛnnɔ gbɔngbɔn mɛ ŋɖuɖu buwo shigbe enyɔdrawemawo, videowo koɖo wema ciwo yí nɔnɔ jw.org ji.

• Ji nyɔta ɖe ci yí jɔ ji nɔ eo yí akplɛ. Àtɛnŋ awa enumɛkuku so cukaɖa ɖe ci èdokɔ go nu alo nyɔbiɔse ɖe ci èɖo nu alo Bibla nyɔ ɖe ci gɔnmɛ èji mɔ yease wu.