Àtɛnŋ akpɔ ɖoŋci nɔ nyɔbiɔse cɛwo ciwo wocu do Jutakpɔxɔ 2019 tɔ jia?

“Ahwawanu ɖekpokpui ci yí woacu do eo nu daje ji o.” (Ezai 54:17, NWT) Gɔnmɛsese ci yí le Mawu gbeɖu cɛ nuɔ?

Mìkando ji mɔ Mawu aglɔn ta nɔ mì so amɛjijeje ŋsɛn ciwo yí le shigbe “gbɔngbɔn funfun tamɛsɛntɔwo tɔ” shi. (Ezai 25:4, 5, NWT) Mìwo ketɔnɔwo dasun ji adahɛn ŋɖe le mì nu, ci wodatɛnŋ adra do o.​—w19.01, kp. 6-7.

Lé enu ci Mawu wa do Kannatɔwo koɖo Izaɛlivi tonumasetɔwo nu dasɛ enujɔjɔɛwawa yi tɔ doɔ?

Mawu dɔnnɔ to nɔ mɛ ciwo yí wanɔ gbɔdɔndɔn nu xoɖyixoɖyiwo alo trenɔ fun nɔ nyɔnu koɖo ɖeviwo. Éyranɔ mɛ ciwo yí senɔ tonu ni koɖo mɛ ciwo yí wanɔ enujɔjɔɛ do mɛbuwo nu.​—w19.02, kp. 22-23.

Nɔ mɛ ci yí dexɔ Mawu ji se dokɔ gbe ɖaɖa yí mìle nɔ ɖe, lé mìawa nu doɔ?

Mìatɛnŋ abɔ nu yí ado bubu wo nu, vɔ mìdanu “amen” alo alé alɔ nɔ mɛbuwo le gbedodoɖa lɔ hwenu o. Mìatɛnŋ awa gbedodoɖa mìwoŋtɔwo tɔ le ji mɛ.​—w19.03, kp. 31.

Lé ɖeviwo gbɔ dɔndɔn akpasɛnsintɔ nyi ŋkuvibianyɔ doɔ?

Ðevi ɖe gbɔ dɔndɔn akpasɛnsintɔ nyi nuvɔnwawa do ɖevi lɔ nu. Egbenyi nuvɔnwawa do hamɛ lɔ, efyɔhawo koɖo Mawu nu. Eju ciwo mɛ ese mɔ wo le yi nu tamɛsɛnnuwawa ŋtɔ́ le gaxweɔ, hamɛmɛshinshinwo wanɔ do ji.​—w19.05, kp. 9-10.

Lé àwɛ atrɔ mɛ ciŋmɛ ènyi le ji mɛ alo ana anyɔ dojiɔ?

Afɔɖeɖe vevi ciwo àɖe yí nyi: Donɔ gbe ɖaɖa nɔ Yehowa. Bunɔ tamɛ kpɔ koɖo susu mɔ yeagbeje yeɖeki mɛ kpɔ. Can exlɔ nywiwo le nunya mɛ.​—w19.06, kp. 11.

Nyi mìawa kakacɛ asɔ dra do nɔ yumɛciciɔ?

Mìɖo ado ŋsɛn ekacaca ci yí le mìwo koɖo Yehowa gblamɛ. Kando ji mɔ yilɔn mì yí datashi mì ɖɛ gbeɖe o. Hlɛnnɔ Bibla ŋkeŋke yí adonɔ gbe ɖaɖa blaŋblaŋ. Kando ji mɔ Mawu Fyɔɖuxu lɔ gbeɖuwo avamɛ. Le ao kpukpui veviwo koɖo kanfunkanfu hawo do tamɛ.​—w19.07, kp. 2-4.

Nyi mìawa keŋ asɔ kpedo mìwo xomumɛtɔwo nu nɔ woakpɔ hwlɛngan ɔ?

Ele veviɖe mɔ mìamɔnɔŋje wowo seselelanmɛwo mɛ, aɖo kpɔwɛ nywiwo le mìwo nuwanawo mɛ yí ado ʒinxo keŋ afa xomɛ, vɔ mìdalɔn nɔ woatrɔ mìwo gbetasɔsɔwo o.​—w19.08, kp. 15-17.

Shigbe lé Yesu ɖo gbe le Matie 11:28 mɛ nɛ ɖe, lé mìkpɔnɔ gbɔndomɛ doɔ?

Amɛjikpɔtɔ nywitɔwo, exlɔ nywitɔwo koɖo edɔ nywitɔ yí le mì shi.​—w19.09, kp. 23.

Lé Mawu atɛnŋ ana edro lɔ koɖo ŋsɛn lɔ mì, nɔ mìawa enu ci yí jɔnɔ ji ni doɔ? (Fili. 2:13, NWT)

Nɔ mìhlɛnnɔ Mawu Nyɔ lɔ yí bunɔ tamɛ kpɔ so nuɔ, Mawu ado ŋsɛn mì yí ana edro lɔ koɖo ŋsɛn lɔ mì nɔ mìawa enu ci yí jɔnɔ ji ni. Átɛnŋ ana yi gbɔngbɔn kɔkɔɛ mì nɔ enujikpekpe ciwo yí le mì shi anyɔ doji.​—w19.10, kp. 21.

Afɔ nywi ciwo yí mìɖo aɖe gbɔxwe asɔ gbeta veviwoɔ?

Afɔɖeɖe amatɔn ke: Wa numɛkuku nywiɖe. Do gbe ɖaɖa yí abiɔ nunya. Gbeje enu ci yí dɔ èjikɔ asɔ gbeta lɔ mɛ. Ðo tajinu ɖewo koŋ. Ðo tajinuwo le dredrenu.​—w19.11, kp. 27-29.

Ese makumaku susu yí le godu nɔ nyɔ ci Satana nu nɔ Ɛvaa?

Denyi enyɔ ci ejikɔ anu teŋ nɛ o. Satana denu nɔ Ɛva mɔ yi gbaza aku gan yi se ato le mɛ kɛŋ ayi nɔ agbe le fibu o. Ŋsusɛnsɛn susu ɖe dekpɔtɔ le nyigban ji le Eshiɖɔɖɔ lɔ godu o. Ewa shigbe mɔ ese makumaku nukplakpla lɔ jɔ gbɔxwe Mawu kaka mɛ ciwo yí cukɔ Babɛli xɔ lɔ nɛ.​—w19.12, kp. 15.