JUTAKPƆXƆ (TATA ENUKPLAKPLATƆ) Juin 2020
Enukplakpla nyɔtawo so 3-30 août 2020.
“Ao ŋkɔ le kɔ”
Enukplakpla nyɔta 23: 3-9 août 2020. Enyɔ vevi ci yí kpanŋkɔ mawudɔlawo koɖo agbetɔwoɔ? Nyi yí taɖo enyɔ cɛ le veviɖe ahan ɔ, yí akpaxwe ci mìawa le mɛɔ? Nɔ mìmɔŋje nyɔbiɔse cɛwo koɖo ebuwo mɛɔ, ado ŋsɛn ekacaca ci yí le mìwo koɖo Yehowa gblamɛ.
“Na eji blebuŋ nɔ mavɔn nɔ ao ŋkɔ”
Enukplakpla nyɔta 24: 10-16 août 2020. Nyɔta cɛ agbeje gbedodoɖa ci Efyɔ Davidi wa le Ehajiji Wema 86:11, 12 mɛ. Woavɔn nɔ Yehowa ŋkɔ gɔnmɛ ɖe? Nyi yí taɖo mìɖo avɔn nɔ ŋkɔ gangan ŋtɔ́ɔ? Yí lé vɔnvɔn nɔ Mawu atɛnŋ aglɔn ta nɔ mì nɔ mìŋgbevawa enudɔndɔn ɖe doɔ?
Enyɔbiɔse ciwo yí so yi hlɛntɔwo gbɔ
Nɔnɔmɛ ciwo woyɔ le Galatitɔwo 5: 22, 23 mɛ ɖekɛwo yí nyi ‘gbɔngbɔn lɔ kusɛnsɛn’ a?
‘Nyɛŋtɔ Naji Anyi lɛngbɔwo kpɔ’
Enukplakpla nyɔta 25: 17-23 août 2020. Nyi yí taɖo mɛɖewo sɛn Yehowa le egbejinɔnɔ mɛ na nɔ exwe sugbɔ, vɔ yí vabu gbeɖe hamɛ lɔ ɖɛɔ? Lé Mawu kpɔnɔ wo doɔ? Nyɔta cɛ ana ɖoŋci nɔ nyɔbiɔse cɛwo. Le blemaɔ, mɛɖewo trɔ gbeɖe Yehowa ɖɛ na nɔ hwenu kleŋ ɖe. Mìakpla nu so lé Yehowa wa nu do wo nu mɛ.
“Mí trɔ va Ŋ gbɔ”
Enukplakpla nyɔta 26: 24-30 août 2020. Yehowa ji mɔ mɛ ciwo yí mi bɔbɔwo koɖo kunuɖegbe yiyi le trɔ gbɔ va ye gbɔ. Mìatɛnŋ awa enu sugbɔ ciwo yí ado ŋsɛn mɛ ciwo yí ji mɔ yewoawa do Yehowa mɛyɔyɔ cɛ ji: “Mí trɔ va Ŋ gbɔ.” Le nyɔta cɛ mɛɔ, mìakpɔ lé mìawɛ yí akpedo mɛ ciwo yí mi bɔbɔwo koɖo Kunuɖegbe yiyi nu nɔ woatrɔ va Yehowa gbɔ.
