JUTAKPƆXƆ (TATA ENUKPLAKPLATƆ) Mai 2020
Enukplakpla nyɔtawo so 6 juillet yi 2 août 2020.
“Tagbe fyɔ” lɔ le azan lɔwo vɔvɔnu
Enukplakpla nyɔta 19: 6-12 juillet 2020. Mìkpɔkɔ kpeɖoji ciwo yí dasɛ mɔ enyɔ ciwo Daniɛli nu ɖɛ so “tagbe fyɔ” koɖo “fɔde fyɔ” nu kpɔtɔ vakɔmɛ. Lé mìwɛ yí kando jiɔ? Yí nyi yí taɖo ele mɔ mìamɔŋje enyɔnuɖɛ lɔ mɛ kitokitoɔ?
Efyɔ ciwo yí anyi ketɔnɔwo le azan lɔwo vɔvɔnu
Enyɔnuɖɛ ciwo yí kudo “tagbe fyɔ” koɖo “fɔde fyɔ” lɔ nu do nu enyɔnuɖɛ buwo mɛ. Lé enyɔnuɖɛ lɔwo dasɛ mɔ mìle vɔvɔnu nɔ xexe vwin cɛ doɔ?
Mi yí nyi “tagbe fyɔ” lɔ le egbɛmɛɔ?
Enukplakpla nyɔta 20: 13-19 juillet 2020. Mi yí nyi “tagbe fyɔ” lɔ le egbɛmɛɔ, yí lé woavagui doɔ? Nɔ mìkpɔ ɖoŋci nɔ nyɔbiɔse cɛwoɔ, atɛnŋ ado ŋsɛn mìwo xɔse yí adra mì do nɔ cukaɖa ciwo mɛ mìato le efunkpekpe gangan lɔ mɛ sabaɖe yɛ.
Enu ciwo Mawu na eo jeŋ nɔ eoa?
Enukplakpla nyɔta 21: 20-26 juillet 2020. Enyɔta cɛ akpedo mì nu mìadasɛ doji mɔ enu amɛtɔn ɖekawo ci Yehowa na mì jeŋ nɔ mì. Agbekpedo mì nu mìanya lé mìawɛ axo nuxu koɖo mɛ ciwo yí dekando ji mɔ Mawu li o.
Dasɛ mɔ Yehowa nunana makpɔmakpɔwo jeŋ nɔ ye
Enukplakpla nyɔta 22: 27 juillet yi 2 août 2020. Le nyɔta ci yí vayi mɛɔ, mìxo nuxu so Mawu nunana xɔafi ciwo yí woatɛnŋ akpɔ nu. Vɔ nyɔta cɛ axo nuxu so enunana ciwo yí wodekpɔnɔ nu. Mìagbekpɔ lé mìawɛ adasɛ mɔ enunana makpɔmakpɔ lɔwo jeŋ nɔ mì. Enyɔta lɔ agbekpedo mì nu yí mìadonɔ akpe sugbɔ nɔ Yehowa ci yí na enuvevi lɔwo mì.
