Enumɛɖeɖe cɛwo atɛnŋ akpedo eo nu namɔŋje Mawu Nyɔ lɔ mɛ nywiɖe sɔwu. Étɛnŋ na numɛɖeɖewo so lé enuwo le do hwecinu woŋwlɛkɔ mawunyɔkpukpui lɔ, enu ci yí taɖo woŋwlii, mɛ ci woŋwli nɔ koɖo gɔnmɛsese ci yí le nyɔgbe ɖewo nu.

Nɔ èle kpukpui ɖe hlɛnkɔɔ, Jutakpɔxɔ ƐNTƐNƐTI JI WEMADADOXU^™ koɖo JW Library^® akpedo eo nu nakpɔ wema ciwo yí xo nuxu so kpukpui lɔ nu le Numekuku Ŋuti Mɔfiagbalẽ mɛ zeɖeka. Àtɛnŋ akpɔ wemawo le enukplakpla tɔxu nɔ Bibla ɖekpokpui ciwo yí le ji.

Nɔ èzankɔ wema lɔwoɔ, le ŋkuvi do azan lɔwo nu nywiɖe. Nyɔta yoyutɔwo zenɔ le eji. Nɔ èkpɔkpɔ wema lɔwoɔ, àdo jeshi mɔ ciwo yí le gɔnmɛ nu nyɔ ɖewo ciwo tɛnŋ vatrɔ le yoyutɔwo mɛ.

• Nɔ èle Jutakpɔxɔ ƐNTƐNƐTI JI WEMADADOXU jiɔ, àkpɔ wema lɔwo le Numekuku Ŋuti Mɔfiagbalẽ mɛ zeɖekazeɖeka.

• Nɔ àkpɔ wema ci yí xo nuxu so kpukpui ɖe nu le JW Library mɛɔ, èɖo axɔ Numekuku Ŋuti Mɔfiagbalẽ lɔ do ji. Xɔ yoyutɔ do ji. Àtɛnŋ awa cɛ nɔ èʒin Télécharger alo Download ji le enukplakpla tɔxu nɔ eta ɖekpokpui le Bibla mɛ.