Agban gangan enyi yí le jilawo ji mɔ woakpla nu wowo viwo so Yehowa nu. (Efe. 6:4) Habɔbɔ lɔ wa nyɔtawo, videowo koɖo hajijiwo yí asɔ kpedo jilawo nu nɔ woawa edɔ gangan cɛ. Lé àtɛnŋ azan ŋcɛwo do yí asɔ kpla nu viowoɔ?

• Kpɔ enu ciwo yí li. Le JW.ORG jiɔ, àtɛnŋ akpɔ ŋciwo wowa nɔ ɖeviwo shigbe video koɖo wemavi ciwo ji woatɛnŋ aŋwlɛ nu alo ata nu do. a Ŋwlɛ “Ðeviwo” alo “Sɔhɛwo” do enujijikpɔ tɔxu lɔ.

• Ji enu ci yí anyɔ nɔ viowo. Le akpaxwe ci yí nyi “Ðeviwo” ɔ, àtɛnŋ akpɔ video, ehajijiwo koɖo wema ciwo yí akpedo viowo nu. Nɔ àkpɔ woɔ, yi “Hena Ƒometadedeagu” kpaxwe.

• Zan gamɛ doju koɖo viowo. Ŋgbesɔ video koɖo wema lɔwo asɔ ɖo dɔ nɔ vio kpoŋ o. Ewaɖeɔ, kan seŋ so wo nu koɖo vio yí akpedo nu atekpɔ anyi xlɔ koɖo Yehowa.