Èwa ɖaŋ hlɛn Jutakpɔxɔ exwe cɛ mɛ tɔwo nywiɖea? Enyɔ, kpɔ mɔ yeatɛnŋ aɖo nyɔbiɔse ciwo yí gbɔgbɔ ŋci ma:

Nɔ mìzannɔ gamɛ yí sɔ kannɔ seŋ koɖo Yehowa, ɖonɔ to yi yí gbebunɔ tamɛ kpɔ so nu ɖe, nyɔna ciwo yí mìakpɔɔ?

Mìasɔnɔ gbeta nywiwo, anyi enukplamɛtɔ nywiwo, mìwo xɔse asɛnsɛnŋ doji yí lɔnlɔn ci mìɖo nɔ Yehowa asɛnsɛnŋ doji.—w22.01, kp. 30-31.

Nɔ mìkannɔdo Yehowa koɖo mɛ ciwo yí eɖo edɔ nɔ le hamɛ lɔ mɛ ji gbɛ ɖe, lé akpedo mì nu doɔ?

Kakacɛ yí ele mɔ mìatekpɔ akannɔdo lé Yehowa wanɔ enuwo do ji yí mìdavaxonɔ nu kpɔ so emɔdasɛnamɛ koɖo gbetasɔsɔ hamɛmɛshinshinwo tɔwo nu o. Hwenu efunkpekpe gangan lɔ atɔ jiɔ, mìale gbesɔsɔ awanɔ do emɔdasɛnamɛ ciwo yí woana mì ji nɔ wodesɔgbe doŋ nɔ mì can.—w22.02, kp. 4-6.

Ci mawudɔla lɔ nu nɔ Zakari mɔ woakpɔ “eka ci wosɔ jɔnɔ nu le alɔmɛ nɔ [ejujikpɔtɔ] Zorobabɛli” ɖe, nyɔ ci ejikɔ anuɔ? (Zak. 4:8-10, NWT)

Ŋtegan cɛ na Mawu mɛwo kando ji mɔ, ci ewa nɔ wo shigbe mɔ gbedoxɔ ci wocukɔ denyi ŋɖe sɔ koɖo xoxuitɔ lɔ can ɔ, woaɖegbɔ ni yí anɔ shigbe lé Yehowa ji do nɛ.—w22.03, kp. 16-17.

Lé mìanyi ‘kpɔwɛ le nuxuxoxo mɛ doɔ’? (1 Tim. 4:12)

Mìaxonɔ nuxu nɔ amɛwo koɖo xomɛfafa koɖo bubu le kunuɖegbe, ajinɔ ha koɖo jijɔ yí aɖonɔ enyɔwo ŋci blaŋblaŋ le bɔbɔwo, atonɔ nyɔnɔnwi, anunɔ nyɔ ciwo yí ado ŋsɛn amɛ yí mìdanunɔ xomɛveve nyɔwo o.—w22.04, kp. 6-9.

Nyi yí taɖo gbemɛlan wadan ci nu Enyɔdasɛ 13:1, 2 xo nuxu so ɖekɛ ɖo nɔnɔmɛ ciwo pleŋ yí le gbemɛlan wadan amɛnɛ (fyɔɖuxu) ciwo nu Daniɛli 7 xo nuxu soɔ?

Gbemɛlan wadan ci nyɔ yí Enyɔdasɛ 13 nu dele dumɛ nɔ acɛkpakpa kuɖeka kpaŋ, shigbe Rɔma nɛ o. Vɔ ele dumɛ nɔ politiki ŋsɛnwo pleŋ ciwo yí kpakpa acɛ do agbetɔwo ji.—w22.05, kp. 9.

Nyi mìawa yí asɔ dasɛ mɔ mìkando enujɔjɔɛwawa Mawu tɔ jiɔ?

Nɔ mɛɖe zu mì, wa nu koɖo mì alo wa nuvɔn koɖo mìɔ, mìatekpɔ asɔ dɔmɛzi kɔ ɖɛ yí mìdale amɛ lɔ do xomɛ o keŋ agbe enyɔ lɔ do Yehowa lɔmɛ.—w22.06, kp. 10-11.

Nyi nɔviŋsu ɖe ci womɔ yi le do gbe ɖaɖa le bɔbɔ ɖo aɖo ŋwiɔ?

Denyi gbedoɖa cɛ ji ato yí akpla nu hamɛ lɔ alo awa nunɔwoasewo o, vevitɔ nɔ édokɔ egbe ɖaɖa le tɔtɔmɛ nɔ bɔbɔ lɔ o. Deɖo axo “nuxu sugbɔ” o. (Mt. 6:7)—w22.07, kp. 24-25.

Lé woafɔn “amɛ ciwo yí wa enuvwin” nɔ ‘kojoɖoɖo’ doɔ? (Ʒan 5:29)

Wodaɖo kojo nɔ wo alo ado hwɛ o do enu ciwo wowa hwenu wole agbe sa vayi nu o. Lé wovawa nu do le fɔnfɔnsoku wowotɔ godu nu yí woakpɔ do aɖo kojo nɔ wo.—w22.09, kp. 18.

Ŋsɛndoamunyɔ ci yí J. F. Rutherford nu le takpekpegan ci wowa le septembre 1922 mɛɔ?

Le takpekpegan ci wowa le Cédar Point, Ohio, le États-Unis ɔ, énu mɔ: “Míkpɔ Efyɔ lɔ le acɛ kpakɔ! Yí wodɔ mí mɔ míwo le vayi nui nɔ amɛshiamɛ. Eyi taɖo, míɖe kunu, míɖe kunu, míɖe kunu so Efyɔ lɔ koɖo yi Fyɔɖuxu lɔ nu!”—w22.10, kp. 3-5.

Enu amɛtɔn ciwo yí Ezai eta 30 lɔ nu mɔ Mawu wa yí sɔ kpenɔdo mì nu yí mìdonɔ jiɔ?

Le eta cɛ mɛɔ, mìkpɔɛ mɔ (1) éɖonɔ to mìwo gbedodoɖawo nywiɖe yí ɖonɔ wo ŋci, (2) édanasɛ emɔ nɔ mì koɖo (3) écunɔ eshi nɔ mì gbɛ yí agbevacu shi nɔ mì le esɔ mɛ.—w22.11, kp. 9.

Nyi yí taɖo mìatɛnŋ anu mɔ enyɔ ciwo yí le Ehajiji Wema 37:10, 11, 29 mɛ vamɛ le blema yí woagbevavamɛ le esɔ mɛɔ?

Davidi nyɔwo dre shicu ciwo yí Izraɛliviwo xɔ le Salomɔ cɛkpakpa hwenu. Yesu yɔ kpukpui 11 mɛ nyɔwo yí sɔ xo nuxu so Paradiso ci yí avava le esɔ mɛ nu. (Mt. 5:5; Luiki 23:43)—w22.12, kp. 8-10, 14.