ENU CI YÍ TAÐO ELE VEVIÐE: Wema ciwo pleŋ yí le mìwo nukplakpla dɔwanu dakavi lɔ mɛ hɛnnɔ susu yi jw.org ji. Le nyɔnɔnwi mɛɔ, tajinu vevi ci yí le jw kati koɖo trakti ci yí nyi Fini mìakpɔ ɖoŋci nɔ agbe mɛ nyɔbiɔse veviwo leɔ? nu yí nyi mɔ, woana amɛwo ayinɔ mìwo nyɔtakankandadoxu lɔ ji. Àtɛnŋ azan jw.org yí ana wema ɖeka le mìwo nukplakpla dɔwanu dakavi lɔ mɛ to eka ji, alo ama ɛntɛnɛti kacaca ɖeka. Ecɛ atɛnŋ akpedo eo nu, vevitɔ nɔ èɖekɔ kunu nɔ mɛ ci yí dokɔ egbe bu. Gbesɔ kpedo nuɔ, mɛɖewo atɛnŋ avawa enyɔbiɔse ɖewo ciwo yí wona ɖoŋci nɔ le mìwo wema ɖewo mɛ, vɔ wema lɔwo dele mìwo nukplakpla dɔwanu dakavi lɔ mɛ o. Nɔ mìtɛnŋ yí yinɔ mìwo nyɔtakankandadoxu lɔ jiɔ, mìatɛnŋ ana mìwo kunuɖeɖedɔ lɔ agbenyɔ doji wu.

LÉ MÌAWƐ DO:

• Zan “BIBLA ƑE NUFIAFIAWO” kpaxwe. Mìasɔɛ mɔ, èɖekɔ kunu nɔ jila ɖeka ci yí enyɔtakankan ci yí kudo enukplakpla ɖeviwo nu jɔnɔ ji nɔ. Yi BIBLA ƑE NUFIAFIAWO > SRƆ̃ÐEÐE KPLE ƑOMEGBENƆNƆ kpaxwe.

• Zan “AGBALẼWO” kpaxwe. Mìasɔɛ mɔ, èwakɔ avomɛkunuɖeɖe le suklu, yí ji mɔ yeana wemagbaja ci yí nyi Nya 10 Siwo Sɔhɛwo Biana Ƒe Ŋuɖoɖowo ye kpena sukluvi ɖeka. Yi AGBALẼWO > AGBALẼWO KPLE AGBALƐ̃ GBADZAWO kpaxwe.

• Zan “MÍA ŊU NYAWO” kpaxwe. Mìasɔɛ mɔ, èɖekɔ kunu nɔ ao dɔmɛkpena ɖeka ci yí ji mɔ yeahlɛn enumɛɖeɖe kleŋ kudo mìwo jixɔsewo nu. Yi MÍA ŊU NYAWO > NYA SIWO AMEWO BIANA EDZIEDZI kpaxwe.

KPƆ VIDEO CI YÍ NYI YINƆ JW.ORG JI, KEŊ AKPƆ FINIWO YÍ ÀYI LE MÌWO NYƆTAKANKANDADOXU LƆ JI KEŊ AKPEDO:

• mɛ ci yí xɔɛ se mɔ Mawu deli nu

• mɛ ci ji yí afɔku jɔ do dejinjin nu

• nɔviŋsu alo nɔvinyɔnu ɖe ci yí gbɔjɔ nu

• trɔtrɔyi ci yí biɔ nyɔ se kudo fini yí mìkpɔnɔ eho le yí zannɔ nɔ mìwo dɔ lɔ nu

• mɛɖe ci yí so le eju bu mɛ yí ji mɔ yeayi bɔbɔ le yeŋtɔ ju mɛ nu