ENU CI YÍ NA ELE VEVIÐE: Yehowa, Enukplamɛtɔ Gangantɔ nakɔ kpla nywitɔ mì. Ékplakpla mì lé mìawɛ yí mìwo gbenɔnɔ anyɔ doji, yí gbedrakɔ mì do ɖɛ nɔ esɔmɛ nywi ɖeka. Mìdecukɔ eho ɖekɛ do ta nɔ ekpla ci mìxɔkɔ o. (Ezai 11:​6-9; 30:​20, 21; Enyɔ 22:17) Yehowa gbetokɔ ekplanana yi tɔ ji yí nakɔ mì enu ciwo yí mìʒan asɔ dra hwlɛngan ŋɛdu lɔ nɔ mɛbuwo.​—2Kor 3:5.

LÉ MÌAWƐ DO:

• Na nɔ amɛɖekisɔsɔhwe koɖo xomɛfafa asun eo shi.​—Eha 25:​8, 9

• Lɔn axɔnɔ ekpla ci Yehowa nanɔ eo keŋ aɖu le ni. Le kpɔwɛ mɛ, nɔ èwa sukluvidɔ ɖe le kwɛshila dodomɛ bɔbɔwo mɛ

• Ðo gbɔngbɔnmɛ tajinuwo nɔ eoɖeki.​—Fili 3:13

• Wa vɔnsa ciwo yí ana naje nɔ ekplaxɔxɔ ciwo yí yiŋkɔ wu.​—Fili 3:8

KPƆ VIDEO CI YÍ NYI ENUKPLAMU YEHOWA TƆ NA MÌNYI DƆKUNƆWO LE GBƆNGBƆNMƐ, KEŊ ANA ÐOŊCI NƆ NYƆBIƆSE CIWO YÍ GBƆGBƆ:

• Enulolokpɔ ciwo ji eŋɛnywidratɔ ɖewo ɖu keŋ gbɔxwe yí yi Fyɔɖuxu ŋɛnywidratɔwo sukluɔ?

• Ekpla ci yí Fyɔɖuxu ŋɛnywidratɔwo suklu nanɔɔ?

• Lé hamɛ lɔ mɛ tɔwo kpedo mɛ ciwo yí gbɔ so suklu lɔ nu le edɔdoashi yoyu wowo tɔwo mɛ doɔ?

• Lé woawɛ ayi Fyɔɖuxu ŋɛnywidratɔwo suklu lɔɔ? (kr-EW 189)

• Ekplaxɔxɔ bu ciwo yí àtɛnŋ ado afɔ nɔ le Yehowa habɔbɔ lɔ mɛɔ?