KRISTOTƆWO GBENƆNƆ
Nyi yí nyi enuvevitɔ nɔŋ ɔ?
Ӡakɔbu do gbla koɖo mawudɔla ɖeka keŋ axɔ enuvevi ci yí nyi Yehowa shicu. (Gɔnm 32:24-31; Oz 12:3, 4) Nyi mìakpla so mɛɔ? Mìlɔn yí donɔ gbla sɛnsinɖe yí ɖonɔ to Yehowa nɔ acu shi nɔ mìa? Le kpɔwɛ mɛ, nɔ èle dɔ wakɔ yí bɔbɔ ga xo, alo afigbe vayi kpe do bɔbɔ zan ji ɖe, lé àwɛɔ? Nɔ mìzankɔ mìwo gamɛ nywiɖe, yí sɔ mìwo ŋsɛn koɖo enu ciwo yí le mì shi nakɔ Yehowaɔ, ána mì enu ‘sugbɔ sɔwu enushanu ci yí ӡan mì.’ (Mal 3:10) Ádasɛ mɔ nɔ mì, áglɔn ta nɔ mì yí agbekpɔ mìwo ӡanwo gbɔ nɔ mì.—Mt 6:33; Ebre 13:5.
MÍKPƆ WADASƐ VIDEO CI YÍ NYI AO SUSUWO PLEŊ LE KPƆTƆ ANƆ GBƆNGBƆNMƐ TAJINUWO JI, KEŊ ANA ÐOŊCI NƆ NYƆBIƆSE CIWO YÍ GBƆGBƆ:
-
Lé enu ci nɔvinyɔnu lɔ lɔn jikɔ anyi afɔklɛnnu ni doɔ?
-
Lé mìwo dɔ ci mìwakɔ atɛnŋ avanyi afɔklɛnnu nɔ mì doɔ?
-
Nyi yí taɖo eӡan mɔ Timɔte akpɔtɔ aɖokɔ tajinu buwo nɔ yiɖeki ci enyi gbɔngbɔnmɛmɛ can ɔ?—1Tim 4:16
-
Nyi yí nyi enuvevitɔ nɔ eo le ao gbemɛɔ?
Lé mìadasɛ “edɔ ci yí le veviɖe” nɔ mì doɔ?
