ENU CI YÍ NA ELE VEVIÐE: Yehowa yí na nyɔnɔnwi lɔ nukuwo shinnɔ le ejiwo mɛ nɔ mɛ ciwo shi yí “eji nɔnɔmɛ nywi le nɔ agbe mavɔ kpɔkpɔ.” (Edɔ 13:​48, nwt; 1Kor 3:7) Mìwanɔ dɔ doju koɖo Yehowa to mìwo ŋsɛnwo zanzan do mɛ ciwo yí jinɔ mɔ yewoawa do enu ci wokpla ji nu. (1Kor 9:26) Eʒan mɔ Bibla nukplaviwo amɔŋje mɛ mɔ, ʒinʒindoshimɛ Krisotɔwo tɔ wawa le veviɖe gbɔxwe woakpɔ hwlɛngan. (1 Piɛ 3:21) Mìkpenɔdo wo nu nɔ woatrɔ Yesu dokplɔtɔwo to enukplakpla wo mɛ mɔ, wo le wa ashitrɔtrɔwo le wowo gbe mɛ, aɖe kunu, akpla nu amɛwo, yí asɔ wowoɖekiwo na Yehowa.​—Mt 28:​19, 20.

LÉ MÌAWƐ DO:

• Ðonɔ ŋwi yi ji nɔ Bibla nukplaviwo mɔ, susu ci yí le enukplakpla lɔ nu yí nyi mɔ, ákpedo wo nu nɔ ‘woajeshi’ Yehowa yí ana wowo nu ajeŋ ni.​—Ʒan 17:3

• Kpedo wo nu nɔ woawa gbɔngbɔnmɛ ŋkɔyiyi to emɔxenuwo ji ɖuɖu ji, shigbe mɔ adɛn vwinwo koɖo egbɛ vwinwo dodo hannɛ

• Do ŋsɛn wo yí ado zo lanmɛ nɔ wo doŋkɔ nɔ ʒinʒindoshimɛ wowo tɔ koɖo le yi godu.​—Edɔ 14:22

KPƆ VIDEO CI YÍ NYI YEHOWA MAWU AKPEDO EO NU, KEŊ ANA ÐOŊCI NƆ ENYƆBIƆSE CIWO YÍ GBƆGBƆ:

• Nyiwo yí atɛnŋ ado vɔnvɔn nɔ mɛɖe yí daji mɔ, yeasɔ yeɖeki na Yehowa yí awa ʒinʒindoshimɛ kabaɔ?

• Lé hamɛmɛshinshinwo atɛnŋ akpedo Bibla nukplaviwo nu yí woawa gbɔngbɔnmɛ ŋkɔyiyiɔ?

• Nyi yí Ezai 41:10 kpla mì so Yehowa nuɔ?

• Ci mìnyi nuvɔnmɛwo can ɖe, nɔnɔmɛ ciwo yí akpedo mì nu yí mìasɛn Yehowa yí ajeŋ niɔ?