ENU CI YÍ NA ELE VEVIÐE: Amɛshiaminɔwo koɖo lɛngbɔ bu lɔwo yɔkɔ mɛshiamɛ mɔ wo le va “xɔ agbeshi lɔ faa.” (Enyɔ 22:17) Kpɔwɛ shi cɛ nyi toto ciwo pleŋ Yehowa wa keŋ asɔ hwlɛn agbetɔ tonusetɔwo gan le nuvɔn koɖo ku shi. Gbɔxwe mìasun ji akpedo mɛ ciwo yí so akɔta koɖo sɛnsɛn vovovowo mɛ nu yí woatrɔ enu ciwo woxɔ seɔ, ele mɔ mìanya lé mìanu “Eŋɛnywi Mavɔmavɔ” lɔ do nɔ mɛɖekaɖeka nɔ asɔ ɖe le ji.​—Enyɔ 14:6.

LÉ MÌAWƐ DO:

• Can enyɔ koɖo kpukpui ciwo yí ayi ji mɛ nɔ amɛwo le ao nyigbanmama mɛ. Àtɛnŋ azan kpɔwɛ seŋkannyɔ alo anu nyɔ kleŋ ɖe ci èzan vayi kpɔ yí ewa dɔ nywiɖe. Enyɔ koɖo kpukpui ciwo ji amɛ lɔwo sɔnɔ ɖe leɔ? Ŋɖe jɔ kakayɛ yí ɖikɔ le juɔ mɛa? Enyɔ ciwo ji yí ŋsu alo nyɔnu asɔ ɖe leɔ?

• Nɔ èyi kunuɖegbeɔ, do gbe nɔ amɛwo shigbe lé wodonɔ gbe le míwo tɔxu nɛ.​​—2Kor 6:3, 4

• Je shi wema koɖo video ciwo yí le mìwo Nukplakpla dɔwanu dakavi lɔ mɛ nywiɖe keŋ anya ci asɔ na alo adasɛ nɔ mɛ ci yí sɔ ɖe le nyɔ lɔ ji

• Wa kɔpi nɔ wema koɖo videowo le gbe ciwo yí amɛ ɖekaɖekawo donɔ le míwo nyigbanmama mɛ

• Trɔ ashi le ao seŋkannyɔ lɔ nu nɔ asɔ koɖo axomɛnɔtɔ lɔ. (1Kor 9:19-23) Le kpɔwɛ mɛ, enyɔ ci ànu nɔ axomɛnɔtɔ lɔ nɔ èse mɔ yi mɛ vevi ɖe ku vayi sabaaɖe yɛɔ?

KPƆ VIDEO LƆ, KEŊ ANA ÐOŊCI NƆ BIƆSE CIWO YÍ GBƆGBƆ:

• Enyɔ ci eŋɛnywidratɔ lɔ sɔ tɔ seŋ kankan ji koɖo axomɛnɔtɔ lɔɔ?

• Nyi yí jɔjɔ do axomɛnɔtɔ lɔ jiɔ?

• Mawunyɔkpukpui ci yí anyɔ wu le nɔnɔmɛ ŋtɔ́ mɛɔ, yí nyi yí taɖoɔ?

• Lé àtrɔ ashi le seŋkannyɔ ao tɔwo nu nɔ míwo nyigbanmama mɛ tɔwo asɔ ɖe le wo jiɔ?