Exolɔlɔwo dasɛ mɔ acɛkpakpawo kpedo Yehowa mɛwo nu le hwenu vovovowo mɛ. (Ezr 6:1-12; Ɛst 8:10-13) Le egbɛ ŋkekewo mɛ hɛnnɛɔ, “nyigban lɔ” ci yí nyi xexe cɛ mɛ cɛkpakpa ciwo yí senɔ nu gɔnmɛ wu mi yumɛcici “tɔsasa” ci “edan lɔ,” Satana Legba cu ɖaɖa. (Enyɔ 12:16) Yehowa, ‘Mawu ci yí hwlɛnnɔ amɛ gan’ na acɛkpatɔwo donɔ alɔ yi mɛwo hweɖewonu.​—Eha 68:20; Elo 21:1.

Vɔ nɔ wocu eo do gakpamɛ do ao xɔse ŋci ɖe? Kando ji mɔ, Yehowa kpɔkpɔ enu ci yí jɔjɔ do eo ji. (Gɔnm 39:21-23; Eha 105:17-20) Ácu fɛn nɔ eo dandan do ao xɔse ŋci. Gbekando ji mɔ egbejinɔnɔ ao tɔ dokɔ ŋsɛn nɔviwo le xexeɛ pleŋ mɛ.​—Fili 1:12-14; Enyɔ 2:10.

KPƆ VIDEO CI YÍ NYI WOJO CORÉE NƆVIŊSUWO LE GAKPAMƐ, KEŊ ANA ÐOŊCI NƆ BIƆSE CIWO YÍ GBƆGBƆ:

• Na nɔ xwe sugbɔ vayiɔ, wocu mìwo nɔviŋsu kotokun nɛniɖe do gakpamɛ le Corée du Sud. Nyi yí taɖoɔ?

• Kojoɖoɖose ciwo yí na wovajo mìwo nɔvi ɖewo le gakpamɛ ci azan ci wokan nɔ wo desun can ɔ?

• Lé mìatɛnŋ akpedo mìwo nɔvi ciwo yí le gakpamɛ yɛ kudo wowo xɔse ŋci le xexeɛ pleŋ mɛ nu doɔ?

• Lé mìɖo azan vovo ci mɛ mìle yɛ doɔ?

• Mi yí na mìkpɔ ta nɔ kojoɖoɖonyɔ ɖekpokpui ci mɛ mìɖu ji leɔ?