Gbɔxwe woaɖu Paki le exwe 32 Y.H. mɛɔ, Yesu wa enujiŋ ɖeka. Eyi nyi enujiŋ ɖeka kpaŋ ci nu yí Eŋɛnywi wema amɛnɛ lɔwo pleŋ xo nuxu so.

To enujiŋ cɛ jiɔ, Yesu ɖo kpɔwɛ ɖeka ci ji ekpɔtɔ yí wakɔ do le mìwo hwenu.

14:16-21

• Kpɔnnɔ amatɔn koɖo kpavi amɛve kpaŋ yí le Yesu dokplɔtɔwo shi, gan Yesu nu nɔ wo mɔ wo le na ŋɖuɖu amɛ sugbɔsugbɔ lɔwo

• Yesu xɔ kpɔnnɔ koɖo kpavi lɔwo, yí ci edo gbeɖaɖa ɖegbɔɔ, étɔ wo mama nɔ yi nukplaviwo yí wowo can ma wo nɔ ahwakɔn gangan lɔ

• To enujiŋwawa mɛɔ, ŋɖuɖu lɔ sugbɔ yí amɛshiamɛ kpɔ yí ɖu gan yí ekpɔtɔ. Yesu na ŋɖuɖu amɛ kotokun nɛniɖe to amɛ hwɛɖeka ciwo yí nyi yi nukplaviwo ji

• Yesu nu ɖɛ mɔ le ŋkeke godugodutɔwo mɛɔ, yeato emɔ ɖeka ji keŋ ana gbɔngbɔnmɛ “ŋɖuɖu le gamɛ nywitɔ ji.”​—Mt 24:45; nwt

• Le exwe 1919 mɛɔ, Yesu ɖo “hwashi egbejinɔtɔ koɖo ŋɖɛnyatɔ lɔ,” ci yí nyi amɛshiaminɔwo gbɛbɔbɔ hwɛhwɛ ɖeka do “yi xomɛ dɔwaviwo” ji. Axomɛ dɔwavi lɔwo yí nyi mɛ ciwo yí woana ŋɖuɖu lɔ

• To amɛshiaminɔwo gbɛbɔbɔ hwɛhwɛ cɛ jiɔ, Yesu wakɔ do kpɔwɛ ci yí eɖo ɖɛ le exwe sanŋdi ŋkɔtɔ mɛ ji

Lé natɛnŋ adasɛ do mɔ ŋjeshi yí gbedokɔ bubu emɔ ci ji Yesu to yí nakɔ gbɔngbɔnmɛŋɖuɖu amɛwoɔ?