KRISTOTƆWO GBENƆNƆ
Kpɔtɔ asɔ ejidodo le te kpɔɛ veviɖe
So keke hwenu èle te kpɔ Mawu Fyɔɖuxu lɔ vava yɛɔ? Èsɔ jigbɔnɖɛ dokɔ ji ci ètokɔ cukaɖawo mɛ can a? (Rɔm 8:25) Woxakɔ Kristotɔ ɖewo, tafukɔ wo do, cukɔ wo do gakpamɛ alo jinɔ mɔ yewoawu wo hɛnnɛ. Kristotɔ sugbɔ buwo tokɔ cukaɖawo mɛ shigbe mɔ, edɔ̀lele mamimami ɖe alo nyɔxokuku hannɛ.
Nyi yí akpedo mì nu yí mìale te kpɔɛ veviɖe, nɔ mìdokɔ go cukaɖa ɖekpokpui can ɔ? Mìɖo akpɔtɔ adonɔ ŋsɛn mìwo xɔse to Bibla hlɛnhlɛn gbeshiagbe ji, yí agbebunɔ tamɛ kpɔ so enu ci mìhlɛnkɔ nu citocito. Mìɖo asɔ mìwo susuwo pleŋ ɖonɔ mìwo mɔkpɔkpɔ lɔ ji. (2Kor 4:16-18; Ebre 12:2) Mìɖo aɖenɔ kuku nɔ Yehowa le gbedodoɖa mɛ, keŋ abiɔnɔ gbɔngbɔn kɔkɔɛ yi tɔ lɔ ŋsɛn. (Lk 11:10, 13; Ebre 5:7) Mìwo Da lɔn-amɛ lɔ atɛnŋ akpedo mì nu ‘nɔ mìado ji keŋkeŋ le ejigbɔnɖɛ koɖo jijɔ mɛ.’—Kol 1:11, nwt.
KPƆ VIDEO CI YÍ NYI MÌÐO “ASƆ EJIDODO ASHI JU” LƆ—KANDO FƐNCU LƆ XƆXƆ JI, KEŊ ANA ÐOŊCI NƆ ENYƆBIƆSE CIWO YÍ GBƆGBƆ:
-
“Enujɔjɔ maɖoŋdonu” ciwo yí atɛnŋ ajɔ do amɛ ji le agbe mɛɔ?(Ŋun 9:11, nwt)
-
Lé egbedodoɖa kpenɔdo mì nu nɔ mìle cukaɖawo mɛ doɔ?
-
Nɔ mìdetɛnŋ yí gbewakɔ sugbɔ le Yehowa sɛnsɛn mɛ shigbe lé mìwɛni sa hannɛ ɖe, nyi yí taɖo mìɖo asɔ mìwo susuwo pleŋ ɖo enu ciwo yí mìtɛnŋ wakɔ jiɔ?
-
Ao ŋkuviwo le kpɔtɔ anɔ fɛncu lɔ ji
Nyi yí kpekɔdo eo nu yí èkpɔtɔ kankando fɛncu lɔ xɔxɔ jiɔ?
