ENU CI YÍ NA ELE VEVIÐE: Agbetɔwo ɖo ayɔnɔ Yehowa ŋkɔ gbɔxwe akpɔ hwlɛngan. (Rɔm 10:​13, 14) Ele ahan gan, denyi amɛshiamɛ ci yí lɔn mɔ yeakpla Bibla yí wanɔ do Yehowa sewo ji o. Mìzannɔ mìwo gamɛ vevi lɔ nywiɖe sɔwu le kunuɖeɖedɔ lɔ mɛ, yí sɔ kpenɔdo mɛ ciwo yí jikɔ le nyɔnɔnwi mɛ nu mɔ, yewoawa trɔtrɔwo keŋ nɔ yewo nu ajeŋ nɔ Yehowa. Nɔ Bibla nukplavi ɖe ɖo awa ŋkɔyiyi le hwenu ɖe ci yí sɔgbe mɛ yí dewɛkɔɔ, mìsɔ nunya ɖonɔ te enukplakpla lɔ koɖi. Do dumɛ niɔ, mìzannɔ mìwo gamɛwo yí sɔ kpenɔdo mɛ ciwo yí Yehowa dɔnkɔ va yiŋtɔ koɖo yi habɔbɔ lɔ gbɔ nu. (Ʒan 6:44) Vɔ nɔ amɛ lɔ vawa trɔtrɔwo le yiyi mɛ yí sɔ dasɛ mɔ ‘wocan ye, yí yeaxɔ agbe mavɔɔ,’ mìsɔ jijɔ sɔnɔ gbeta mɔ mìagbekpla Bibla koɖi.​—Edɔ 13:48.

LÉ MÌAWƐ DO:

• Kanfu enukplavi lɔ ci eji mɔ, yeaɖo enujejeshi adodwitɔ lɔ.​—1Tim 2:4

• Tɛ gbe do ji ni mɔ, wawa do enu ci ekplakɔ ji le veviɖe.​—Lk 6:​46-49

• Sɔ xomɛfafa kan seŋ so Yesu kpɔwɛ ci yí kudo jinukudotɔ lɔ nu ni; yí abiɔ so shi mɔ, yɛ le bu tamɛ kpɔ so enu ci yí dɔ detɛnŋ wakɔ do enu ci ekplakɔ ji nu.​—Mt 13:​18-23

• Sɔ ayexa dre enu ci yí taɖo èjikɔ aɖo te enukplakpla lɔ koɖi mɛ ni

• Nu ni mɔ, yeavayɔɛni kpɔ hweɖewonu keŋ adonɔ ŋsɛn yi; yí yewoagbetɛnŋ atɔ enukplakpla lɔ ji nɔ évatɔ ŋkɔyiyi wawa

KPƆ VIDEO LƆ, KEŊ ANA ÐOŊCI NƆ ENYƆBIƆSE CIWO YÍ GBƆGBƆ:

• Nyi èkpla so seŋkankan ci yí dasɛ mɔ, enukplavi lɔ dewakɔ gbɔngbɔnmɛ ŋkɔyiyi lɔ mɛɔ?

• Lé eŋɛnywidratɔ lɔ kpedo enukplavi lɔ nu do, yí emɔŋje mɛ mɔ yeɖo awa trɔtrɔwoɔ?

• Lé eŋɛnywidratɔ lɔ hun mɔnu ɖɛ nɔ enukplakpla lɔ ji yiyi le ŋkɔ mɛ doɔ?