Nɔ enyi kpɔ mɔ jajɛ ènyi yí le Bibla kplakɔ alo eŋɛnywidratɔ mawa ӡinӡindoshimɛ ènyi ɖe, èjijiɛ mɔ yeawa ӡinӡindoshimɛa? Nyi yí dɔ taɖo èjijiɛ mɔ yeawa ӡinӡindoshimɛɔ? Nɔ èsɔ eoɖeki jo nɔ Yehowa yí wa ӡinӡindoshimɛɔ, eo koɖo Yehowa atɔ vivivi keke avave. (Ehajiji Wema 91:1) Amɛɖekisɔsɔna Yehowa koɖo ӡinӡindoshimɛwawa yí ahwlɛn mì gan. (1 Piɛ 3:21) Lé àwɛ awa nu cɛwoɔ?

Tekpɔ keke akando ji eoŋtɔ teŋteŋ mɔ, nyɔnɔnwiɛ ke. Nɔ èbiɔbiɔ nyɔ ɖewo eoɖeki seɔ, je agbla aji gɔnmɛ kpɔ nɔ wo nywiɖe yí amɔŋje wo mɛ kitokito. (Rɔmatɔwo 12:2) Tekpɔ anyanɔ enu ciwo mɛ èɖo atrɔ eoɖeki aji le. Nɔ ètrɔtrɔɔ, le nyi lé awɛ nɔ ao nu ajɔ ji nɔ Yehowa yí dɔ ètrɔkɔ. (Elododo Wema 27:11; Efezitɔwo 4:23, 24) Donɔ gbe ɖaɖa hweɖekpokpuinu. Kando ji mɔ de bu ɖe anyi o, Yehowa ado ŋsɛn eo yí ado alɔ eo koɖo gbɔngbɔn kɔkɔɛ yi tɔ lɔ. (1 Piɛ 5:10, 11) Enyɔ mɔ àdo gbla ŋnɔwo pleŋ. Ðo nɔ wova gbɛmɛɔ, Yehowa sɛnsɛn yí nyi nu gangantɔ!—Ehajiji Wema 16:11.

MÍKPƆ VIDEO CI YÍ NYI EMƆ CI YÍ KPLƆNƆ AMƐ YI ӠINӠINDOSHIMƐWAWA GBƆ, KEŊ AÐO NYƆBIƆSE CIWO YÍ MÌAKPƆ YƐ ŊCI:

• Nyiwo yí do afɔbli mɛɖewo taɖo yí ӡinӡindoshimɛwawa defa do woɔ?

• Lé àwɛ aɖo xɔse ci yí adɔ nasɔ eoɖeki jo nɔ Yehowaɔ?

• Nyi yí vadɔ taɖo mɛɖewo tekpɔ yí wa ŋciwo woɖo awa keke vasun ji yí wa ӡinӡindoshimɛɔ?

• Lé Mawu yranɔ mɛ ciwo yí sɔ gbeta mɔ yewoasin ɔ?

• Lé amɛɖekisɔsɔna Yehowa koɖo ӡinӡindoshimɛ yinɔ doɔ?