Le Eŋwiɖoɖoɔ hwenu ɖe, èji mɔ yeawa dɔ sugbɔ nɔ Yehowaa? (2 Korɛntitɔwo 5:14, 15) Le mars koɖo avril wleciwo mɛɔ, kpedonu mɔɖetɔwo hɛn amɔ yewoawa gaxoxo gban (30) alo kahowo (50) le kunuɖeɖedɔɔ mɛ. Nɔ èkpɔ mɔ yeasun ji awa kunuɖeɖedɔ vevi cɛɔ, xɔ wema ɖeka le Sumɔsumɔdɔ jikpɔgbɛ hamɛ lɔ tɔ gbɔ yí ado alɔ yi mɛ. Le wleci ɖeka mɛ duuɔ, woanu mɛ ciwo yí do alɔ wema mɛ yí awa kpedonu mɔɖeɖedɔ lɔ nɔ hamɛ lɔ. Nɔ wonui nɔ hamɛ lɔ ahan ɔ, nɔviwo ajeshi kpedonu mɔɖetɔ lɔwo ɖɛ keŋ asun ji ado alɔ wo le kunuɖeɖedɔɔ mɛ. Mìwanɔ nu sugbɔ le Eŋwiɖoɖoɔ hwenu. Eyi taɖo mì pleŋ mìatekpɔ awa nu lɔwo keŋ abi doji le kunuɖeɖedɔɔ mɛ yí agbedo ŋsɛn mìwonɔnɔwo.—1 Tɛsalonikitɔwo 5:11