Nɔ eŋ ke keke zan ado ɖe, nyi yí donɔ ŋmavwi nɔɔ? Lé àwɛ ahɛn vi koɖo ashi yí agbewa nubu ciwo yí le kɔ nɔ ju ji ènɔnɔa? Eoɖekɛ yí le gbla dokɔ yí akpɔ ɖeviwo jia? Sukluvi ènyi yí ao kpenawo dokɔ aya nɔ gbɛmɛgbɛmɛa? Lanmɛ yí dele eo shi o, alo shinshin yí dɔ nuwo ɖekɔ fun nɔa? Enyɔ de gɔn male kɔ nɔ mɛɖe o, enyɔwo le kɔ nɔ mì pleŋ. Hweɖewonuɔ, enuwo sugbɔ yí vaxonɔca do Kristotɔ ɖewo ji. Ele ahan gan, sabaɖe yɛɔ, Yehowa ahwlɛn mì ti le wo mɛ yí nyɔ ɖekɛ dagbele kɔ nɔ mì o.—2 Korɛntitɔwo 4:16-18.

Mìnya mɔ nyɔ ciwo pleŋ yí xa mì yí mìavoŋ egloɔ, Yehowa mɔnɔŋje wo mɛ. Tonu ci mìsekɔ ni koɖo eji ci mìdokɔ jɔkɔ ji ni sugbɔ hɛnnɛ. Mìgbenya mɔ ŋciwo pleŋ awa nɔ mì sabaɖe yɛɔ, mìakpɔ keke enu mìake do nuvo. Ŋcɛ ciwo mìnya ahan ɔ, mìgbɔnkɔ do wowo nu keŋ. (Ӡeremi 29:11, 12) Yesu can ɖoɖoɔ ŋwi mì fɛɛ. Nɔ mìkpɔtɔ wakɔ enu ciwo mìwo Kristotɔwo ɖo awanɔɔ, Yesu akpɔtɔ ‘anɔ̀ koɖo mì’ dandandan. (Matie 28:20) Nɔ mìyinɔ mìwoɖekiwo mɛ kpɔ yí kpɔnɔ lé mìavavo le Mawu Fyɔɖuxuɔ cɛkpakpa hwenuɔ, mìagbekando egbe ciwo Mawu ɖo nɔ mì ji sɔwu. Eyi nɔ gbɛmɛnyɔwo xa mì keke mìavo eglo can ɔ, mìdalɔn ana ta kpɔ gbeɖe o.—Rɔmatɔwo 8:19-21.

MÍKPƆ VIDEO CI YÍ NYI CI JIHƆN GANGAN LƆ AXO ZAANÐE YƐƆ, YESU NU LE KPƆTƆ ALE TAMƐ NƆ JAAN!—ENUNYWI CIWO FYƆÐUXU LƆ AVAWA KEŊ AÐO NYƆBIƆSE CIWO YÍ MÌAKPƆ YƐ ŊCI:

• Lé agbetɔviwo koɖo Mawu klan doɔ, yí alɔzu ciwo woɖuɔ?

• Nyiwo Yehowa avawa nɔ mɛ ciwo yí se tonu niɔ?

• Nyi yí Kristo wa nɔ mì taɖo yí esɔ avanyɔ nɔ mìɔ?

• Le ŋciwo pleŋ Mawu mɔ yeavawa mɛ ɖe, ci yí jɔkɔ ji nɔ eo sɔwuɔ?