Nyi yí taɖo woadra do ɖɛɔ? Edɔ̀lele koɖo dotoxwe nyɔwo tɛnŋ vakɔ do amɛ ji le avomɛ. Eyi taɖo gbɔxwe avaʒan mɔ àyi dotoxwe kpatakpataɔ, wa ŋciwo pleŋ àtɛnŋ awa daɖɛ nɔ woavakpɔ eo gbɔ nywiɖe, nɔ evajɔ ahan. Nɔ èwɛ ahan ɔ, anyi èdadasɛ mɔ yedonɔ bubu agbe koɖo Yehowa se kudo ehun nu.—Edɔ 15:28, 29.

Nyiwo àtɛnŋ awa yí asɔ dra do ɖɛɔ?

• Do gbe ɖaɖa yí awa ɖaŋ ado alɔ wemavi ci yí nyi Pas de sang mɛ. a Eŋɛnywidratɔ ciwo yí wa ʒinʒindoshimɛ atɛnŋ axɔ wemavi cɛ nɔ wowoɖekiwo le wemawo jikpɔtɔ gbɔ. Woatɛnŋ agbexɔ wemavi ci yí nyi Document d’identité medical nɔ wowo vihwɛwo

• Nɔ èfɔn fuɔ, biɔ ao hamɛmɛshinshinwo nɔ woana eo wema ci yí nyi Enyɔtakankan nɔ funɔwo (S-401). Wema cɛ akpedo eo nu nasɔ gbeta nywiwo kudo dotoxwe nyɔ ciwo yí atɛnŋ avava le efufɔnfɔn koɖo evijiji hwenu

• Nɔ edɔ̀dadamɔnu ci èbiɔ atɛnŋ adɔ ehundodo nyɔwo ava alo woatɛnŋ avaglɔn eo do dotoxwe lɔɔ, na nɔ ao hamɛmɛshinshinwo anya doŋkɔ yí agbenu nɔ doto lɔwo mɔ, yɛajɔ ji nɔ ye nɔ Yehowa Kunuɖetɔwo hamɛmɛshinshin ɖe va ji ye kpɔ

Kpekpedonu ci hamɛmɛshinshinwo atɛnŋ anaɔ? Woatɛnŋ akpedo eo nu nado alɔ wemavi Pas de sang lɔ mɛ. Ele ahan gan, hamɛmɛshinshin lɔwo dasɔ gbeta ɖe do nu nɔ eo alo anu wowo dro so enyɔ ciwo yí kan amɛŋtɔ gbetasɔsɔwo nu o. (Rɔm 14:12; Gal 6:5) Nɔ èna ao hamɛmɛshinshinwo nya mɔ èdokɔ go dotoxwe nyɔ ciwo mɛ ehundodo nyɔwo atɛnŋ avava leɔ; woana Dotoxwe Kacaca Jikpɔgbɛ (CLH) mɛ tɔwo anya zeɖeka.

Kpekpedonu ci CLH mɛ tɔwo atɛnŋ anaɔ? Wona kpla nɔvi ciwo yí le Dotoxwe Kacaca Jikpɔgbɛ lɔ mɛ, nɔ woakpedo doto koɖo esedɔwatɔwo nu nɔ woamɔŋje mìwo susu kudo ehundodo nu. Woatɛnŋ akan seŋ koɖo doto lɔwo so edɔ̀dadamɔnu ciwo mɛ wodedonɔ ehun le nu. Nɔ eʒan ɔ, woakpedo eo nu nakpɔ doto ci yí awa dɔ nɔ eo ehunmadomado.

MÍKPƆ VIDEO CI YÍ NYI LÉ ÀWƐ ASƆNƆ GBETA NYWIWO SO EHUN NYƆWO NU KEŊ ANƆ LANMƐSƐN MƐ, YÍ AÐO NYƆBIƆSE CIWO MÌAKPƆ YƐ ŊCI:

• Nyi èkpla le video cɛ mɛ ci yí akpedo eo nu nɔ nadra do daɖɛ nɔ dotoxwe yiyi kpatakpata ciwo mɛ ehun nyɔwo avava leɔ?

  Ao ɖoŋci