Yehowa kpedo Izraɛlivi wamɛnɔwo nu vayi. Enu ciwo Yehowa wakɔ yí sɔ kpekɔdo yi mɛ ciwo nyi wamɛnɔwo nu le egbɛmɛ ɖewo ɖe?

• Énu nɔ wo mɔ wo le ɖo susu ci yí sɔgbe do eho nu.—Luiki 12:15; 1 Timɔte 6:6-8

• Ékpedo wo nu nɔ woabu wowoɖekiwo.—Job 34:19

• Ékplakpla wo mɔ wo le wanɔ dɔ sɛnsinɖe yí ami enudɔndɔn ciwo adahɛn nu le wo nu wawa. —Elododo Wema 14:23; 20:1; 2 Korɛntitɔwo 7:1

• Ékplɔ wo va Kristotɔ nɔvi ciwo yí lɔn wowonɔnɔwo mɛ.—Ʒan 13:35; 1 Ʒan 3:17, 18

• Éna wo mɔkpɔkpɔ.—Ehajiji Wema 9:18; Ezai 65:21-23

Nɔ nuwo gbevatrɔ nɔ mì do ɖeeɖe can ɔ, mìdeɖo alo nu kpɔ o. (Ezai 30:15) Yehowa ale bu nɔ mì yí ana mì enu ciwo wudo mì nɔ yi Fyɔɖuxu lɔ yí nyi enu ŋkɔtɔ ci mìkpɔtɔ yí jijiɛ.—Matie 6:31-33.

MÍKPƆ VIDEO CI YÍ NYI ŊGBELƆN NƆ AO LƆNLƆN AKU GBEÐE O NƆ . . . ÈNYI WAMƐNƆ CAN—CONGO , KEŊ AÐO ENYƆBIƆSE CIWO MÌAKPƆ YƐ ŊCI:

• Lé nɔvi ciwo yí le fini yí sɔ takpekpegan waxu lɔwo lɔn nɔvi ciwo yí zɔn mɔ va takpekpegan lɔ yí wa ɖaŋ xɔ woeɔ?

• Nyi video lɔ kpla mì so lé Yehowa lɔn wamɛnɔwo nu doɔ?

• Nɔ ŋɖeŋɖe gbele mì shi can ɖe, lé mìatɛnŋ aɖyi Yehowa doɔ?