Nɔviwo donɔ gbla sugbɔ keŋ yí sɔ dranɔ kpɔwɛ seŋkannyɔwo do yí eŋɛnywidratɔ sugbɔ kpɔɛni mɔ, kpɔwɛ seŋkannyɔ lɔwo nyɔnnɔ le yewo nyigbanmama mɛ. Ele ahan gan, ci nɔnɔmɛ lɔwo to akpo le xexe lɔ pleŋ mɛɔ, eŋɛnywidratɔwo vo azan emɔ bu alo seŋkankan bu ci yí ajɔ ji nɔ mɛ ciwo yí le wowo nyigbanmama mɛ, nɔ wole kunu ɖekɔ. Ele mɛ mɔ, amɛshiamɛ ɖo awa do emɔdasɛnamɛ ciwo wona kudo kunuɖeɖedɔ vevi ɖe nu. Enu ci mìjijiɛ yí nyi mɔ, mìawa edɔ ci Yesu dɔ mì mɔ mìwo le dra Fyɔɖuxu ŋɛnywi lɔ.—Mt 24:14.

Nɔ eŋɛnywidratɔwo wakɔ sukluviwo dɔwoɔ, woɖo azan kpɔwɛ seŋkannyɔ ciwo yí le Agbenɔnɔ koɖo sumɔsumɔdɔ bɔbɔ nukplawema mɛ keŋ asɔ kan seŋ lɔ. Ele ahan gan, nɔ wodena mɔdasɛnamɛ bu ɖeɔ, wovo azan nyɔbiɔse bu, kpukpui bu alo nyɔgbeɖɛ bu ci wokpɔ mɔ yɛanyɔ le yewo nyigbanmama mɛ. Ecɛ trɔ emɔdasɛnamɛ ci wona le bɔbɔ nukplawema juin 2020 tɔ kpashi 8 ji.