Le Septembre wleci mɛɔ, mìawa edɔ sugbɔ yí adra Mawu Fyɔɖuxu lɔ yí aje agbla adasɛ nɔ amɛwo mɔ, yiɖekɛ kpaŋ yí akpɔ agbetɔwo cukaɖawo gbɔ. (Mt 24:14) Lé àdo alɔ edɔ cɛ mɛ doɔ? Hlɛn kpukpui ɖeka ci yí xo nuxu so Mawu Fyɔɖuxu lɔ nu nɔ amɛ sugbɔ lé akpe ji do le wleci lɔ mɛ. Nɔ enyɔɔ jɔ ji nɔ mɛɖeɔ, sɔ Jutakpɔxɔ No. 2 2020 ci mìmanɔ nɔ amɛwo ni. Yi goduɔ, tekpɔ atrɔ ayi amɛ lɔ gbɔ blaŋ yí atɔ Bibla kplakpla koɖi le Se vivi nɔ agbe lɔ sɔyi mavɔ! wemagbaja lɔ mɛ. Mɛ ciwo pleŋ yí awa kpedonu mɔɖeɖedɔ le Septembre wleciɛ mɛ hɛn amɔ gaxoxo 15 alo 30 yewoana.

Hwɛɖeka yí kpɔtɔ yí Mawu Fyɔɖuxu lɔ avacuku acɛkpakpa ciwo pleŋ trɔkpe yitɔ. (Dan 2:44; 1Kor 15:24, 25) Eyi taɖo mìawa ci ji mìasun le kunuɖeɖedɔ vevi cɛ hwenu nɔ anyi mɔ mìse tonu nɔ Yehowa koɖo yi Fyɔɖuxu lɔ!