9:1-7

Kpɔɛ le susu mɛ, lé Yesu ase le yiɖeki mɛ hwecinu yí ese yí edalɔ ci yí le jeŋkwimɛ nu le nɔnɔmɛtrɔtrɔ ŋtegannukpɔkpɔ lɔ mɛ mɔ, yi nu jeŋ nɔ Ye ɖa. Kankandojitɔɔ, ecɛ do ŋsɛn Yesu nɔ efunkpekpe ciwo mɛ yí avato. Ŋtegannukpɔkpɔ lɔ gbewa dɔ do Piɛ, Ʒaki, koɖo Ʒan ji sugbɔ. Éna wokando ji mɔ Yesu yí nyi Mɛsia ci nyɔ wonu ɖɛ; yí wowɛ nywiɖe ci woɖo to yi. Le exwe 32 ɖewo goduɔ, Piɛ kpɔtɔ yí ɖokɔ ŋwi enujɔjɔ lɔ koɖo lé edo ŋsɛn yi xɔse kudo “enyɔnuɖɛtɔ lɔwo nyɔ” nu do.​—2 Piɛ 1:16-19.

Ci yí mìdekpɔ ŋtegannukpɔkpɔ wadɔdoamɛji lɔ mìwo ŋtɔwo can ɔ, mìkpɔkɔ lé evakɔmɛ do. Yesu le acɛkpakɔ shigbe mɔ Efyɔ ŋsɛntɔnɔ ɖeka hannɛ. Le majinjinɖe mɛɔ, áɖe “gbɔ ahwajiɖuɖu yi tɔ lɔ,” yí ahun emɔ nɔ xexe yoyu ci mɛ yí jɔjɔɛnyinyi anɔ.​—Enyɔ 6:2.

Lé Bibla mɛ nyɔnuɖɛ lɔ mɛ vava tɔxu kpɔkpɔ, do ŋsɛn ao xɔse doɔ?