Ekplanana yí nyi mɔ woayɔ amɛ axo nu ni, akpla nu yi alo adɔn to ni. Yehowa nanɔ kpla mì nɔ mìasun ji asin shigbe lé eji do nɛ. (Rɔmatɔwo 12:1; Ebretɔwo 12:10, 11) Hweɖewonu nɔ wona kpla mìɔ, evenɔ. Vɔ nɔ mìlɔn yí xɔɛɔ, ana mìanyi amɛnywi yí awa nywi sugbɔ nɔ mì. (Elododo Wema 10:7) Nyiwo yí mɛ ciwo yí nakɔ kpla mɛ koɖo mɛ ciwo yí xɔkɔ kpla lɔ ɖo anyaɔ?

Ekplanamɛtɔ. Hamɛmɛshinshinwo, ajitɔ koɖo ajinɔwo koɖo mɛbuwo tekpɔ yí kplanɔ nu amɛ ɖɔɖɔɖɔ yí gbelɔnnɔ amɛ shigbe Yehowa hannɛ. (Ӡeremi 46:28) Nɔ evale dandanmɛ mɔ woadɔn to nɔ mɛɖeɔ, woɖo awɛ koɖo lɔnlɔn.—Titu 1:13.

Ekplaxɔtɔ. Nɔ wogbena kpla lɔ mì do ɖe can ɔ, mìdagbe o. Mìalɔn awa do ji le afɔdumɛ zeɖeka. (Elododo Wema 3:11, 12) Mɛɖe deli amɔ wodana kpla ye o, ɖo agɔjetɔwo mì pleŋ nyi. Enu ci mìhlɛn le Bibla mɛ alo nyɔ ciwo mìse le bɔbɔwo anyi kpla nɔ mì dru. Hweɖewonuɔ, ele mɔ kojoɖogbɛ akpla nu mɛɖewo. Nɔ mìlɔn yí xɔ kpla lɔɔ, mìanɔ nywiɖe gbɛ yí agbevanɔ agbe tɛgbɛɛ.—Elododo Wema 10:17.

MÍKPƆ VIDEO CI YÍ NYI ‘YEHOWA DƆNNƆ ETO NƆ MƐ CIWO YÍ E LƆN,’ KEŊ AÐO NYƆBIƆSE CIWO MÌAKPƆ YƐ ŊCI:

• Le nuwo yinɔ Canon do le tɔtɔmɛɔ, yí lé nuwo vatrɔ ni doɔ?

• Lé Yehowa kpla nu yi koɖo lɔnlɔn doɔ?

• Nyi yí enu ciwo mɛ eto lɔwo kpla mìɔ?