Nɔ mìwakɔ trɔtrɔyiwo abi le Bibla kplakɔ koɖo amɛwoɔ, ele mɔ mìakpedo wo nu nɔ woamɔŋje enyɔ vevi lɔwo mɛ. Nɔ mìdrenɔ nyɔ vevi lɔwo mɛ nɔ woɔ, adɔ yí nyɔ lɔ aɖo lanmɛ nɔ wo yí woagbemɔŋje mɛ.

Nɔ èdrakɔ do yí atrɔ yi mɛɖe gbɔ abi ayi kpla Bibla koɖiɔ, tekpɔ akpɔ kpɔwɛ ciwo àzan asɔ dre nyɔ vevi lɔwo mɛ. Kpɔwɛ ciwo àsɔ dre nyɔ lɔwo mɛ le nɔnɔ kleŋkleŋ, yí agbenyi ŋciwo wojeshi ɖɛ. (Matie 5:14-16; Maki 2:21; Luiki 14:7-11) Gbɔxwe àxo nuxu nɔ mɛɖeɔ, nya fini amɛ lɔ so teŋ yí agbenya edɔ ciwo ewanɔ. (Luiki 5:2-11; Ӡan 4:7-15) Nɔ émɔŋje enyɔ vevi ɖe ci èdre ni mɛ yí ji jɔɛɔ, eji ajɔ eɔ can hɛnnɛ.

MÍKPƆ VIDEO CI YÍ NYI EJI LE JƆ EO LE ENUKPLAVIWOWAWADƆ LƆ MƐ—AO KUNUÐEÐE MƆNUWO LE NYƆ DOJI—ZANNƆ KPƆWƐWO ASƆ ÐENƆ SUSU VEVIWO MƐ, KEŊ AÐO NYƆBIƆSE CIWO MÌAKPƆ YƐ ŊCI:

• Nyi yí taɖo ele mɔ woakpedo Bibla nukplaviwo nu nɔ woamɔŋje Bibla mɛɔ?

• Lé Neta dre nyɔnɔnwi ci yí le Rɔmatɔwo 5:12 mɛ doɔ?

• Nɔ mìsɔ kpɔwɛ nywiwo yí sɔ dre nu mɛ nɔ mìwo toɖotɔwo ɖe, lé akpedo wo nu doɔ?

• Le kunuɖeɖedɔɔ mɛ ɖe, nyi yí taɖo mìɖo azannɔ videowo koɖo enukplakpla dɔwanu bu ciwo Yehowa habɔbɔ lɔ waɔ?