KRISTOTƆWO GBENƆNƆ
Glɔn Ta Nɔ Eoɖeki nɔ Xɔsegbegbe Ŋgbekpɔ Ŋsɛn do Eo ji o
Blaŋblaŋ ɔ, Satana koɖo yi gbɛviwo sɔnɔ ŋsuwo asɔ baka koɖo nyɔnɔnwiwo keŋ asɔ gbɔjɔ mìwo xɔse. (2Kor 11:3) Le kpɔwɛ mɛ, Asiritɔwo zan nyɔnɔnwi mamuwo yí sɔ ŋsu aditiwo ɖɔ nu ni keŋ asɔ gbɔjɔ Yehowa mɛwo. (2Kro 32:10-15) Enu ŋtɔ́hanwo pɛɛ yí xɔsegbetɔwo zannɔ egbɛ nɛ. Lé mìɖo awa nu do nɔ mìdo go xɔsegbetɔwo nukplamuwoɔ? Kpɔnɔ wo do aɖyiwuamɛ ji! Ŋgbehlɛnnɔ wowo nyɔwo, aɖonɔ ŋci nɔ wo alo atrɔ anunɔ wowo nyɔwo gbeɖe o. Ðà adonɔ jeshi enyɔ ciwo nu wotrɔ ashi le keŋ nɔ natɔ enu xoxo kpɔ so Yehowa koɖo yi habɔbɔ lɔ nu yí agbe wo! —Ʒuda 3, 4.
MÍKPƆ VIDEO CI YÍ NYI “WA ŊSƐN HWA NƆ XƆSE”!—AKPAXWE KLEŊ, KEŊ AÐO NYƆBIƆSE CIWO MÌAKPƆ YƐ ŊCI:
-
Nyi yí taɖo ele mɔ mìale glagla ji nɔ mìzanzan ɛntɛnɛti jugbajahadoxuwoɔ?
-
Lé mìawɛ awa do nukplamu ci yí le Rɔmatɔwo 16:17 mɛ jiɔ?
