Nyi yí nyi Bibla hlɛnhlɛn le do ka jiɔ? Xexe Yeye Gɔmeɖeɖe Bibla ci wohlɛn yí le do ka ji yɔ. Woɖiɖiɛ ti vivivi le gbe sugbɔ mɛ lé wokpe ji do. Enuvevi ɖeka ci yí akpedo eo nu le Bibla hlɛnhlɛn cɛ tɔ mɛ yí nyi mɔ, wozan egbe vovovo nɔ mɛ ciwo yí le Bibla mɛ ɖekaɖeka. Wohlɛn nyɔgbe lɔwo nywiɖe koɖo seselelanmɛ nɔ ŋɛdu ci yí le Bibla mɛ ato pɛpɛpɛ.

Lé mɛɖewo ɖukɔ le nɔ Bibla hlɛnhlɛn ci wolé do ka ji doɔ? Amɛ sugbɔ ciwo yí ɖonɔ to Bibla hlɛnhlɛn ci wolé do ka ji kpɔnɔ jijɔ do lé ena yí agbe le Mawu Nyɔ lɔ mɛ do. Wokpɔ mɔ ci yewoɖokɔ to egbemɛ vovovo nɔ mɛɖekaɖeka ci yí le Bibla mɛɔ, yewotɛnŋ kpɔnɔ Bibla mɛ nujɔjɔ lɔwo nywiɖe le susu mɛ yí gbeɖonɔ gɔnmɛsese adodwi nɔ enu ci yí woŋwlɛ. (Elo 4:5) Amɛ sugbɔ gbekpɔɛ mɔ, ci yewoɖokɔ to Bibla hlɛnhlɛn ci wolé do ka jiɔ, éfa akɔn nɔ yewo le enulolokpɔwo hwenu. —Eha 94:19.

Etoɖoɖo Mawu Nyɔ lɔ ci wokɔ gbe yi ji yí hlɛn atɛnŋ atrɔ ŋɖewo le mìwo gbenɔnɔ nu. (2Kro 34:19-21) Nɔ akpaxwe ɖe nɔ Bibla hlɛnhlɛn ci wolé do ka ji alo yi pleŋ le gbe ci èse mɛ ɖe, àtɛnŋ asɔ do toto ci èwa nɔ gbɔngbɔnmɛ nuwo mɛ keŋ aɖonɔ to yi blaŋblaŋ a?

MÍKPƆ VIDEO CI YÍ NYI BIBLA HLƐNHLƐN LELE DO KA JI—AKPAXWE KLEŊ, KEŊ AÐO NYƆBIƆSE CI MÌAKPƆ YƐ ŊCI:

Nyi yí kpaca eo le Bibla hlɛnhlɛn lele do ka ji lɔ wawa mɛɔ?