KRISTOTƆWO GBENƆNƆ
Kpɔnɔ Eoŋtɔ Shigbe lé Yehowa Kpɔnɔ Eo nɛ
Yehowa “kpɔnɔ jijɔ do yi mɛwo nu.” (Eha 149:4) Ci mìnyi nuvɔnmɛwo can ɔ, ékpɔnɔ jijɔ nywi ciwo mìɖo koɖo ŋciwo mìatɛnŋ awa. Ganŋgan hweɖewonuɔ, átɛnŋ gbɔnnu nɔ mì mɔ mìaɖo susu sɔgbe ŋtɔ́ do mìwoɖekiwo nu. Lé amɛwo wanɔ nu ɖaɖa mì gbɔ tɛnŋ dɔ mìakpɔnɔ mìwoɖekiwo mɔ mìdegbele bo ɖe nu o. Alo nɔ mìsɔ susu do afɛn ciwo mìwa vayi jiɔ, mìtɛnŋ xonɔ nu kpɔ mɔ Yehowa lɔn mì nyao ma. Nyi yí atɛnŋ akpedo mì nu nɔ ewakɔ ahan nɔ mìɔ?
Ðo ŋwi mɔ Yehowa kpɔnɔ ŋci agbetɔwo datɛnŋ akpɔ o. (1Sam 16:7) Yi gɔnmɛ yí nyi mɔ, ékpɔnɔ nuwo le mì nu ci mìwoŋtɔwo desɛnŋ kpɔnɔ o. Akpe mìado mɔ, Bibla kpedo mì nu mìmɔŋje lé Yehowa kpɔnɔ mì do mɛ. Mìatɛnŋ amɔŋje cɛ mɛ nɔ mìhlɛnnɔ Bibla mɛ kpukpui koɖo xolɔlɔ ciwo yí dasɛ lé Yehowa lɔn yi sɛntɔwo sugbɔ do.
MÍKPƆ VIDEO CI YÍ NYI WƐ NƆ AO JI AFA LE ŊMƐ NƆ YEHOWA, KEŊ AÐO NYƆBIƆSE CIWO MÌAKPƆ YƐ ŊCI:
-
Nyi ejushitɔ koɖo dalɔ kpɔwɛ lɔ kpla mì so lé Yehowa kpɔnɔ mì do nuɔ?
-
Nɔ mɛɖe wa nuvɔn gangan ɖe yí ɖe afɔ ciwo eɖo aɖe nɔ yi koɖo Yehowa xlɔnyinyi agbesɛnŋ ɖe, lé atɛnŋ awɛ keke yi ji afa le ŋmɛ niɔ?—1 Ʒan 3:19, 20
-
Ci nɔviŋsu lɔ hlɛn nu so Davidi koɖo Ʒozafati xolɔlɔwo nu yí gbebu tamɛ kpɔ so wo nu ɖe, lé ekpɔ nyɔna so wo mɛ doɔ?
