• Zan eoŋtɔ adrɛsi ci yí ana amɛ lɔ anya fini lɛta lɔ so. Nɔ èkpɔ mɔ yɛdanyɔ mɔ yeazan yeŋtɔ adrɛsiɔ, àtɛnŋ azan Fyɔɖuxuxɔ lɔ tɔ nɔ hamɛmɛshinshinwo na gbe mɔ eo le ziin. Vɔ deɖo azan adrɛsi alɔjedɔwaxu lɔ tɔ GBEÐE o.

• Zan amɛ lɔ ŋkɔ nɔ èjeshi ɖɛ. Nɔ èwɛ ahan ɔ, ana dabui mɔ lɛta lɔ nyi ajɔdradranyɔ ɖe o.

• Na nɔ lɛta lɔ asɔgbe pɛpɛpɛ koɖo lé woŋwlɛnnɔ nu do le egbe lɔ mɛ. Lɛta lɔ ɖo amɛ, yí daxo ɖyi o. Nɔ enyi alɔ àsɔ ŋwlin ɔ, yi hlɛnhlɛn ɖo anɔ fafɛɖe. Wodaŋwlɛn lɛta lɔ shigbe mɔ mɛ ci wojeshi ɖɛ yí woŋwlin nɔ nɛ o, ahanke wodaŋwlin shigbe mɔ mɛ ci wodeshi ɖɛ cococo yí woŋwlin nɔ nɛ o. Woɖo aŋwlɛn lɛta lɔ le dredrenu.

Kpɔwɛ lɛta lɔ dre lé woawa enu cɛwo do. Ele ahan gan, de zɔn ezɔn mɔ àŋwlɛnnɔ yi mɛ nyɔwo pɛpɛpɛ nɔ èŋwlɛnkɔ lɛta nɔ mɛɖe le míwo nyigbanmama mɛ o. Trɔ ashi le ao lɛta lɔ nu nɔ asɔ koɖo tajinu yi tɔ, míwo gbɔ nɔnɔmɛwo koɖo kɔnuwo.