Enu ci yí jɔ do Izraɛliviwo ji le Moabu balimɛ nyi afɔ ɖo afɔ ta nɔ Kristotɔwo. (1 Korɛntitɔwo 10:6, 8, 11) Izraɛliviwo tɔ gbɛ dodo koɖo Moabu nyɔnu ciwo yí nyi lagatɔnɔ koɖo vojusɛntɔwo. Eyi viviviɔ, wokplɔ nyɔnu lɔwo do yí wa nuvɔn ganganwo. Ci wowa nuvɔn lɔwo ahan ɔ, enu ci yí cu wo gbaŋ dehwe o, ajinɔ makpɔ tɔxu yɔ. (Amɛ Hlɛnhlɛn 25:9) Le egbɛwo mɛ yɛɔ, mìwanɔ dɔ yí yinɔ suklu koɖo mɛ ciwo yí desɛnnɔ Yehowa o. Eyi taŋfuin, ahanke axwemuwo, amɛnyanyiwo, koɖo mìwo mɛwo can desɛnnɔ Yehowa nɛ. Nukplamu ci yí le Bibla mɛ xolɔlɔ cɛ mɛ nɔ mì so egbɛdodo koɖo nɛnɛmunɔwo nuɔ?

NU NƆ WOAXO VIDEO CI YÍ NYI ENU CIWO YÍ JƆ VAYI SA YÍ NYI AFƆÐOAFƆTANAMƐ NƆ MÌ LE EGBƐMƐ—AKPAXWE KLEŊ, KEŊ AÐO NYƆBIƆSE CIWO MÌAKPƆ YƐ ŊCI:

• Enyɔ ciwo Zimuri koɖo mɛbuwo nu nɔ Ӡamɛ ciwo yí dɔ mìnya mɔ afɛn wowa yí kpɔkpɔ nu lɔwoɔ?

• Lé Pɛnxa kpedo Ӡamɛ nu emɔŋje nyɔ lɔwo mɛ nywiɖeɔ?

• Lé koko kpoŋ koɖo maxɔsetɔ to akpo nɔ exlɔnyinyi koɖi doɔ?

• Nɔ mìjijiɛ mɔ mìanyi xlɔ koɖo mɛɖe yí enyi haa mɛ yɔ can ɖe, nyi yí taɖo ele mɔ mìakpɔ nywiɖeɔ?

• Nyi yí taɖo mìɖo ami egbɛwo mɛ nɔnɔ koɖo mɛ ciwo mìwoŋtɔwo mìdejeshi ɖɛ le siti jiɔ?