Mìdanasɛ mɔ mìle gbeji nɔ Yehowa to nyɔ ciwo mìnunɔ koɖo ŋciwo mìwanɔ mɛ. Mìgbedanasɛ mɔ mìle gbeji ni to ŋciwo nu mìbunɔ tamɛ kpɔ so mɛ. (Eha 19:14) Eyi taɖo Bibla do ŋsɛn mì mɔ, mìwo le bunɔ tamɛ kpɔ so ŋɖekpokpui ci yí nyi nyɔnɔnwi, ci yí le jɔjɔɛɖe, ci nu yí bubu le, ci yí sɔgbe, ci yí kɔ, ci yí je acɔ koɖo ci nu yí kanfukanfu le. (Fil 4:8) Le nyɔnɔnwi mɛɔ, mìdatɛnŋ axe mɔ nɔ susu dɔndɔnwo nɔ woŋgbeva tamɛ nɔ mì o. Vɔ amɛɖekijiɖuɖu atɛnŋ akpedo mì nu yí mìasɔ susu nywiwo asɔ ɖɔli susu dɔndɔnwo. Nɔ mìkpɔtɔ yí nɔ gbeji le susu mɛɔ, ákpedo mì nu yí mìakpɔtɔ anɔ gbeji le mìwo nuwanawo mɛ.—Maki 7:​21-23.

Le kpukpui ciwo mìakpɔ yɛ mɛɔ, ŋwlɛ susu ciwo mìɖo aze nɔ do gɔnmɛ nɔ wo:

Rɔm 12:3

Luiki 12:15

Mat 5:28

Fili 3:13