Le novembre mɛɔ, mìado gbla veviɖe yí adra eŋɛnywi ci yí nyi mɔ xexe nywi ɖeka gogo. (Ehajiji Wema 37:10, 11; Enyɔdasɛ 21:3-5) Trɔ ashi le ao totowo nu yí awa ao tɔ le kunuɖeɖedɔ vevi cɛ mɛ. Nɔ èdo alɔ wema mɛ yí awa kpedonu mɔɖeɖedɔ le wleciɛ mɛɔ, èhɛn amɔ yeana gaxoxo 30 alo 50.

Dra do yí ahlɛn kpukpui ɖeka so xexe yoyu lɔ nu nɔ amɛ sugbɔ. Nɔ èsɔkɔ kpukpui ci àhlɛn ɔ, bu tamɛ kpɔ so ci yí alɔ lanmɛ nɔ amɛwo le ao nyigbanmama mɛ nu. Nɔ èyi mɛɖe gbɔ ŋkɔtɔ yí nyɔ lɔ jɔ ji niɔ, na Jutakpɔxɔ No. 2 2021 tɔ lɔ yi. Le yi goduɔ, trɔ yi gbɔ blaŋ yí atɔ Bibla kplakpla koɖi le wemagbaja ci yí nyi Se vivi nɔ agbe lɔ sɔyi mavɔ! mɛ. Eji ajɔ mì nɔ mìwa sugbɔ yí dra “eŋɛnywi so enu ci yí nyɔ wu nu”!—Ezai 52:7.

MÍKPƆ EHAKPAKPA VIDEO CI YÍ NYI LE XEXE YOYU LƆ MƐ KEŊ AÐO NYƆBIƆSE CIWO MÌAKPƆ YƐ ŊCI:

• Esɔmɛ nywi ci nyɔnuvihwɛ lɔ bukɔ kpɔɔ?

• Nyiwo yí èkpɔkpɔ emɔ mɔ yeavawa le xexe yoyu lɔ mɛɔ?

• Lé tamɛbubukpɔ so ao mɔkpɔkpɔ lɔ nu akpedo eo nu nadra do awa sugbɔ le kunuɖeɖedɔ vevi ci woawa le novembre mɛɔ?—Luiki 6:45