AKPA 3
Lé Agbe Lɔ Nɔ Le Paradiso Mɛɔ?
Yehowa na enu nywi sugbɔ Adamu koɖo Ɛva. Gɔnmɛjeje Wema 1:28
Yehowa wa nyɔnu ŋkɔtɔ, woyɔɛ mɔ Ɛva. Ésɔ na Adamu nɔ anyi ashiɛ.—Gɔnmɛjeje Wema 2:21, 22.
Yehowa wa wo yí wole blebu le susu mɛ koɖo le lanmɛ. Afɛn ɖekpokpui dele wo nu o.
Edɛn kpa, Paradiso mɛ yí nyi Adamu koɖo Ɛva nɔxu. Ényi afi nywi ɖeka. Etɔsasa, acikusɛnsɛnciwo koɖo elanwo le ekpa lɔ mɛ.
Yehowa xonɔ nuxu nɔ Adamu koɖo Ɛva; Ékplanɔ ’nu wo. Nɔ wose ’tonu ni saɔ woanɔ agbe tɛgbɛɛ le nyigban ji.
Mawu do ’se mɔ wodaɖu acikusɛnsɛn nɔ aci ɖeka o. Gɔnmɛjeje Wema 2:16, 17
Yehowa do ’se nɔ Adamu koɖo Ɛva mɔ woŋgbeɖu acikusɛnsɛn ɖeka le ekpa lɔ mɛ o. Nɔ woɖuiɔ woaku.
Mawudɔla ɖeka va fɔn egu do Mawu ji. Mawudɔla vwin lɔ yí woyɔnɔ mɔ Satana Legba.
Satana deji mɔ Adamu koɖo Ɛva awa do Yehowa se lɔ ji o. Eyí taɖo ézan edan ɖeka yí sɔ xo nuxu nɔ Ɛva mɔ nɔ yiɖu acikusɛnsɛn lɔɔ, yidaku o, vɔ yɛanɔ shigbe mɔ Mawu ’nɛ. Le nyɔnɔnwi mɛɔ ŋsú aditi yí ékan.—Gɔnmɛjeje Wema 3:1-5.
Découvrez aussi…
ESSENTIAL BIBLE TEACHINGS
Nyi yí taɖo Mawu wa nyigban lɔɔ?
Mìwo nyigban lɔ ɖɔ koɖo enuwawa jiŋwo. Wosɔ da do fini eɖo anɔ pɛɛ nɔ ewe, yí elɔnɔ ju ci yí sɔgbe nɔ étrɔkɔ le yiɖeki shi. Nyi yí taɖo Mawu do gbla sugbɔ ahan yí wa nyigban nywi cɛɔ?
