ANYINƆXUJIKPƆTƆWO Woɖo anyinɔxujikpɔtɔwo ɖɛ nɔ woakpedo eo nu. Mìɖe kuku wa nu koɖo wo alɔlealɔmɛ keŋ awanɔ do wowo mɔdasɛnamɛwo ji kuso drexuwo, afɔtoxuwo, texweléléɖɛ, koɖo nubuwo nu.

ƷINƷINDOSHIMƐ Nɔ wodena mɔdasɛnamɛ buɔ, ʒinʒindoshimɛwatɔwo yí woagbe ʒinkpin ŋkɔtɔ ciwo yí le ŋkɔ nɔ nuxuxotɔ lɔ ɖɛ nɔ. Ʒinʒindoshimɛwatɔwo ɖo anɔ nyinɔnɔ do texwe lɔ gbɔxwe woatɔ ʒinʒindoshimɛ nuxu lɔ xoxo Zozangbe nyidin. Ðeshiaɖe le hɛn nucucugotu koɖo nudodo ci yí je nɔ eshi mɛ yiyi.

NUNANAWO Wozan eho sugbɔ do ʒinkpin nywiwo, ehaxonuwo, videoxonuwo koɖo nubuwo nu nɔ mìase vivi nɔ takpekpegan lɔ vava, yí akpedo mì nu mìate gogo Yehowa doji. Ao lɔnlɔn faa nunanawo yí wosɔ kpɔnɔ ehozanzan sugbɔ cɛwo gbɔ yí gbesɔ donɔ alɔ xexeɛ pleŋ mɛ dɔ lɔ. Wosɔ enunana dakavi ciwo ji woŋlwɛ nu do yí eze petii do texwe vovovowo. Àtɛnŋ ana nu le ka ji le donate.pr418.com ji hɛnnɛ. Ao nunanawo pleŋ jeŋ nɔ mì sugbɔ. Edɔjikpɔha lɔ mɔ wo le do akpe nɔ eo, ci èsɔ xomɛvu dokɔ alɔ Fyɔɖuxu lɔ tajinuwo.

CIKENAXU Mìɖe kuku, ɖo ŋwi mɔ edɔ̀jeamɛji le avomɛ ɖekɛ yí woana cike amɛ nɔ.

ENUBUBUWO KOÐO WOWO JIJIKPƆ TƆXU Nɔ èkpɔ ŋɖe yí dèjeshi etɔ niɔ, sɔɛ yi Enububuwo koɖo Wowo Jijikpɔ Tɔxu Dɔwaxu. Nɔ ŋɖe bu nɔ eoɔ, yi dɔwaxu cɛ keŋ aji kpɔ le enɔ. Nɔ ɖevi ɖe bu do yi jilawoɔ, woɖo akplɔɛ yi dɔwaxu cɛ. Ele ahan gan, mìɖe kuku, le ŋkuvi do viowo nu nywiɖe, nɔ woŋgbevabu yí ado aya nɔ eo gbali o.

ANYINƆXU Mìɖe kuku, bu mɛbuwo tɔ kpɔ. Ðo ŋwi mɔ ao xomumɛtɔwo, eo koɖo mɛ ciwo yí zɔn, koɖo ao Bibla nukplaviwo ɖekɛ yí àlé texwe daɖɛ nɔ. Mìɖe kuku, ŋgbesɔ enuwo dado texwe ciwo dèlé ɖɛ o.

LƆNLƆN FAA DƆWAWA Nɔ èji mɔ yeado alɔ edɔ ciwo yí kan takpekpegan lɔɔ, mìɖe kuku, yi Nyɔtakankanwo koɖo Lɔnlɔn Faa Dɔwawa Jikpɔxu.