LÉ ÀWƐ ATƆ SEŊ KANKAN JI NYWIÐE
ENUKPLAKPLA 3
Xomɛvuwawa
Gɔnmɛɖose: “Lɔnlɔn wanɔ xomɛvu.”—1 Kor. 13:4.
Lé Yesu Wɛ Do
1. Kpɔ VIDEO lɔ, alo hlɛn Ʒan 9:1-7. Le yi goduɔ, gbeje nyɔbiɔse ciwo yí gbɔgbɔ mɛ:
Nyi Mìkpla So Yesu Kpɔwɛ Lɔ Mɛɔ?
2. Amɛwo aɖonɔ to eŋɛnywi lɔ sɔwu, nɔ mìsenɔ vevi do wo nu.
Sran Yesu
3. Senɔ vevi do amɛ nu. Tekpɔ abu tamɛ kpɔ so lé amɛ lɔ nɔnɔmɛ le do nu.
-
Biɔ eoɖeki se mɔ: ‘Nyi yí atɛnŋ axakɔ mɛ cɛɔ? Kpekpedonu ci natɛnŋ ani yí awa nywi niɔ?’ Tamɛbubukpɔ ahan akpedo eo nu nàwa xomɛvu ni so ji mɛ.
-
Ðo to amɛ lɔ, yí asɔ dasɛ ni mɔ, yesɔ ɖe le enu ci yí wɛwɛ ji. Nɔ éxo nuxu so enu ɖe ci yí xɛkɔ nu nɔ eo alo nu enu ci yí wɛkɔɔ, ŋgbetrɔ seŋkankan lɔ o.
4. Sɔ xomɛvu koɖo bubu xo nuxu. Nɔ èse vevi do mɛ lɔ nu yí ji nyao mɔ yeakpedo nuɔ, aze le lé èxokɔ nuxu do mɛ. Wa ɖaŋ axo nuxu koɖo egbe ci yí sɔ, yí aze nɔ enyɔgbe ciwo yí ado dɔmɛzi nɔ amɛ.
5. Kpenɔdo amɛ nu. Ji emɔ ciwo ji àtɛnŋ akpedo amɛ lɔ nu ŋtɔŋtɔ le. Nɔ mìwanɔ nu koɖo xomɛvuɔ, atɛnŋ ahun emɔ nɔ seŋkankan.
GBEKPƆ
Rɔm. 12:15, 16; Gal. 6:10; Ebre. 13:16